IND vs BAN: બાંગ્લાદેશ અને ભારતના ક્રિકેટરોની સેલેરીમાં કેટલો છે ફરક, જાણો કમાણીના આંકડા....

IND vs BAN, WC 2023: અત્યારે ભારતમાં આઇસીસી વનડે વર્લ્ડકપ 2023 રમાઇ રહ્યો છે. ભારતીય ટીમની આગામી મેચ બાંગ્લાદેશ સામે રમાવવાની છે, આ પહેલા ભારતીય ટીમે પાકિસ્તાનને વર્લ્ડકપમાં માત આપી છે. વર્લ્ડકપ 2023માં ભારતીય ટીમની આગામી મેચ બાંગ્લાદેશ સામે છે. ICC વનડે રેન્કિંગમાં બંને ટીમો વચ્ચે મોટો તફાવત છે. આ તફાવત બંને ટીમના ખેલાડીઓના પગારમાં પણ જોવા મળે છે. જાણો બન્ને ટીમોના ખેલાડીઓના પગારમાં કેટલો ફરક છે...

જે રીતે BCCIએ ભારતીય ક્રિકેટરોને ચાર ગ્રૂપમાં વહેંચ્યા છે. એ જ રીતે બાંગ્લાદેશ ક્રિકેટ બોર્ડ પણ તેના ખેલાડીઓને ચાર કેટેગરીમાં વિભાજિત કરીને વાર્ષિક કરાર કરે છે. આ કેટેગરીમાં છે: A Plus, A, B અને C.

બીસીસીઆઈની 'એ પ્લસ' કેટેગરીમાં કરાર ધરાવતા ક્રિકેટરોને વાર્ષિક 7 કરોડ રૂપિયા મળે છે. તેનાથી વિપરીત બીસીબી તેના 'એ પ્લસ' કેટેગરીના ખેલાડીઓને વાર્ષિક 48 લાખ રૂપિયા આપે છે.

ભારતીય ક્રિકેટરોની 'એ કેટેગરી'ના ખેલાડીઓને વાર્ષિક 5 કરોડ રૂપિયા મળે છે. જ્યારે બાંગ્લાદેશના 'એ કેટેગરી' ક્રિકેટરોને વાર્ષિક 36 લાખ રૂપિયાનો પગાર મળે છે.

BCCIની 'B કેટેગરી' લિસ્ટમાં સામેલ ક્રિકેટરોને વાર્ષિક 3 કરોડ રૂપિયા મળે છે. બાંગ્લાદેશમાં આ કેટેગરીના ખેલાડીઓને વાર્ષિક 24 લાખ રૂપિયા આપવામાં આવે છે.

ભારતમાં 'C કેટેગરીના' ક્રિકેટરોને પણ વાર્ષિક 1 કરોડ રૂપિયા મળે છે. બાંગ્લાદેશમાં 'C કેટેગરીના' ક્રિકેટરોને વાર્ષિક માત્ર 12 લાખ રૂપિયા મળે છે.

જેમ ભારત અને બાંગ્લાદેશના ક્રિકેટરો વચ્ચેના વાર્ષિક કરારમાં તફાવત છે તે જ રીતે મેચ ફીમાં પણ સમાન તફાવત છે. ભારતીય ક્રિકેટરોને ટેસ્ટ માટે 15 લાખ રૂપિયા, વનડે માટે 6 લાખ રૂપિયા અને ટી20 માટે 3 લાખ રૂપિયા મળે છે. બીજીબાજુ બાંગ્લાદેશના ક્રિકેટરોને ટેસ્ટ માટે 3 લાખ રૂપિયા, વનડે માટે 2 લાખ રૂપિયા અને T20 માટે 1 લાખ રૂપિયા મળે છે.