Photos: ખુબ જ ગ્લેમરસ છે શાર્દુલ ઠાકુરની મંગેતર મિતાલી, ટુંક સમયમાં લગ્ન કરવા તૈયાર છે કપલ, જુઓ ફોટો

શાર્દુલ ઠાકુર ક્રિકેટના મેદાન પર સુપરહિટ રહ્યો છે. આઈપીએલ સિવાય તેણે ઈન્ટરનેશનલ ક્રિકેટમાં પણ શાનદાર પ્રદર્શન કર્યું છે, પરંતુ ચાહકો આ સ્ટાર ક્રિકેટરના અંગત જીવન વિશે બહુ ઓછું જાણે છે.

ગયા વર્ષે શાર્દુલ ઠાકુરે તેની ગર્લફ્રેન્ડ મિતાલી પારુલકર સાથે સગાઈ કરી હતી. બંનેએ 29 નવેમ્બર, 2021 ના ​​રોજ મુંબઈમાં આયોજિત સમારોહમાં સગાઈ કરી હતી.

શાર્દુલ અને મિતાલીની આ સગાઈના પ્રસંગમાં ભારતીય ટીમનો કેપ્ટન રોહિત શર્મા પણ હાજર રહ્યો હતો.

સગાઈ થયા બાદ હવે ચર્ચાએ જોર પકડ્યું છે કે ટી-20 વર્લ્ડ કપ પહેલા શાર્દુલ ઠાકુર મિતાલી પારુલકર સાથે લગ્ન કરી શકે છે.

નોંધનીય છે કે T20 વર્લ્ડ કપ 2022 ઓક્ટોબર મહિનામાં રમાશે. ત્યારે શક્યતા છે કે, ટી-20 વર્લ્ડ કપ પહેલાં શાર્દુલ અને મિતાલી લગ્ન કરી લેશે

મિતાલી પારુલકરની સોશિયલ મીડિયા પર ઘણી સારી ફેન ફોલોઈંગ છે. આ સિવાય મિતાલી પારુલકર સતત તેના ફોટા સોશિયલ મીડિયા પર પોસ્ટ કરતી રહે છે.

મિતાલી પારુલકર થાણેમાં ઓલ ધ બેક્સ નામની સ્ટાર્ટ-અપ કંપની ચલાવે છે. શાર્દુલ ઠાકુર અને મિતાલી પારુલકર સગાઈ પહેલા ઘણા સમય સુધી એકબીજાને ડેટ કરતા હતા.

શાર્દુલ ઠાકુરના આંતરરાષ્ટ્રીય કરિયરની વાત કરીએ તો તેણે અત્યાર સુધીમાં 8 ટેસ્ટ, 19 વનડે અને 25 ટી-20 મેચ રમી ચૂક્યો છે. શાર્દુલ ઠાકુરે ત્રણેય ફોર્મેટમાં અનુક્રમે 27, 25 અને 33 વિકેટ લીધી છે.