PHOTOS: પહેલા જીમમાં મળ્યા, પછી થયો પ્રેમ, આવી છે દિનેશ કાર્તિક અને દીપિકા પલ્લીકલની લવ સ્ટોરી

ભારતીય ક્રિકેટર દિનેશ કાર્તિક અને સ્ક્વોશ પ્લેયર દીપિકા પલ્લીકલની લવસ્ટોરી કોઈ બોલિવૂડ સ્ટારની લવસ્ટોરીથી ઓછી નથી. બંનેની પહેલી મુલાકાત જીમમાં થઈ હતી. જે બાદ બંને ખેલાડીઓ પ્રેમમાં પડ્યા હતા.

સ્ક્વોશ ખેલાડી દીપિકા પલ્લીકલને ક્રિકેટરો પસંદ નહોતા. તેનું માનવું હતું કે ક્રિકેટરો જેટલી ખ્યાતિ અને લોકપ્રિયતા અન્ય કોઈ રમતના ખેલાડીઓને નથી મળતી.

દિનેશ કાર્તિક અને દીપિકા પલ્લીકલની પહેલી મુલાકાત વર્ષ 2012માં એક જીમમાં થઈ હતી. બંને એક જ કોચ પાસેથી ટ્રેનિંગ લેતા હતા. દીપિકાને ક્રિકેટ ગમતી નહોતી.

વર્ષ 2013માં દિનેશ કાર્તિકે દીપિકાને પ્રપોઝ કર્યું હતું. જે બાદ બંનેએ સગાઈ કરી લીધી હતી. એકવાર દિનેશ કાર્તિક દીપિકા પલ્લીકલને મળવા ઈંગ્લેન્ડ ગયો હતો. જેના કારણે તે ખૂબ જ પ્રભાવિત થઈ હતી.

ત્યારપછી કાર્તિક ભારત તરફથી રમતો હતો અને દીપિકા ઈંગ્લેન્ડમાં ટ્રેનિંગ લેતી હતી.

બંને ખેલાડીઓ લગભગ 2 વર્ષ સુધી એકબીજાને ડેટ કર્યા. 18 ઓગસ્ટ 2015ના રોજ, દિનેશ કાર્તિક અને દીપિકા પલ્લીકલના ચેન્નાઈમાં ખ્રિસ્તી ધાર્મિક વિધિઓ અનુસાર લગ્ન થયા.

કાર્તિકે પહેલા લગ્ન નિકિતા સાથે કર્યા હતા. જે વર્ષ 2012માં તૂટી ગયા હતા. બાદમાં નિકિતાએ ક્રિકેટર મુરલી વિજય સાથે લગ્ન કર્યા હતા. જોકે, બાદમાં મુરલી વિજયની ઘણી ટીકા થઈ હતી.