India vs Pakistan: કોહલી-સૂર્યકુમારે કરી જોરદાર પ્રેક્ટિસ, તસવીરોમાં જુઓ મેચ પહેલાની ફટકાબાજી........

India vs Pakistan: એશિયા કપ 2022માં ભારત અને પાકિસ્તાન વચ્ચે રવિવારે મેચ રમાશે. આ પહેલા ટીમ ઇન્ડિયાએ જબરદસ્ત નેટમાં પરસેવો પાડ્યો છે. આ પ્રેક્ટિસ સેશનની કેટલીક તસવીરો પણ સામે આવી છે.

ભારત અને પાકિસ્તાનની વચ્ચે રવિવારે કરો યા કરો જેવી એશિયા કપની મેચ રમાવવાની છે, ટૂર્નામેન્ટની આ બીજી મેચ હશે, પરંતુ બન્ને ટીમો માટે ખાસ મહત્વની બની રહેશે. કેમ કે બન્ને ટીમો ખાસા લાંબા સમય બાદ આમને સામને એક મોટી ટૂર્નામેન્ટમાં ફરીથી ટકરાઇ રહ્યાં છે. આ મેચને લઇને ભારતીય ટીમ જબરદસ્ત પરસેવા પાડી રહ્યાં છે. આ દરમિયાન કેપ્ટન રોહિત શર્મા, કેએલ રાહુલ, વિરાટ કોહલી, અને સૂર્યકુમારે જબરદસ્ત શૉટ પ્રેક્ટિસ કરી હતી.

પૂર્વ કેપ્ટન વિરાટ કોહલીએ નેટ્સમાં ખુબ સમય લીધો હતો, તેને પોતાના શૉટ્સ પર કામ કર્યુ હતુ, આ દરમિયાન તે ફરીથી પોતાની લયમાં દેખાયો હતો. કોહલી પોતાના ફોર્મના કારણે સતત ટ્રૉલિંગનો શિકાર થઇ રહ્યો છે, પરંતુ હવે ફેન્સને તેના સારા પ્રદર્શનની આશા છે.

ભારતીય ટીમના શાનદાર બેટ્સમેન સૂર્યકુમારે પોતાના પ્રદર્શનના દમ પર આ મુકામ હાંસલ કર્યુ છે, તેને એશિયા કપમાં પણ સારુ પ્રદર્શન કરવાની આશા રાખી છે. સૂર્યકુમારના આંકડાઓ પર નજર નાંખીએ તો તે ખુબ પ્રભાવી છે.

ફાસ્ટ બૉલર ભુવનેશ્વર કુમારે પાકિસ્તાન વિરુદ્ધની મેચ પહેલા ખુબ પ્રક્ટિસ કરી, તેને પાક વિરુદ્ધ ભારતની પ્લેઇંગ ઇલેવનમાં જગ્યા મળી શકે છે.

ઉલ્લેખનીય છે કે, એશિયા કપ 2022ની શરૂઆત આજથી એટલે કે શનિવારે 27 ઓગસ્ટથી થઇ રહી છે. આ પછી આવતીકાલે મહત્વની મેચ એટલે કે ભારત અને પાકિસ્તાન વચ્ચે રમાશે. આ ટૂર્નામેન્ટની છેલ્લી અને ફાઇનલ મેચ 11 સપ્ટેમ્બર 2022એ રમાશે.