IND vs PAK PHOTO: મેલબોર્નમાં મુંબઈ જેવો માહોલ, જુઓ તસવીરો

IND vs PAK T20 World Cup 2022: ભારત અને પાકિસ્તાન વચ્ચે આજે મેલબોર્ન ક્રિકેટ ગ્રાઉન્ડ પર ટી-20 વર્લ્ડકપ મેચ શરૂ થવા જઈ રહી છે, જેને લઈને ફેન્સમાં જબગદસ્ત ઉત્સાહ જોવા મળી રહ્યો છે.

ટીમ ઈન્ડિયાના ફેંસે કહ્યું, અમે ખૂબ જ ઉત્સાહિત છીએ. અહીંનું વાતાવરણ કોઈ ભારતીય શહેરમાં હોવાનો અહેસાસ કરાવે છે. અમે 3 દિવસ પહેલા અહીં આવ્યા છીએ. અમે ભારતીય ટીમની જર્સી પહેરીને ફરતા હોઈએ છીએ. દુનિયાભરમાંથી ચાહકો આવ્યા છે. આ મુકાબલો તમામ મેચનો બાપ છે.

બંને ટીમો વચ્ચે અત્યાર સુધીમાં 11 T20 મેચ રમાઈ છે. આ દરમિયાન ભારતે આઠ મેચ જીતીને પોતાના નામે કરી છે.

મેલબોર્નના સત્તાવાર ટ્વિટર હેન્ડલ પરથી એક વીડિયો શેર કરવામાં આવ્યો છે. વીડિયોમાં જોવા મળી રહ્યું છે કે મેલબોર્નની સડકો પર ભારતીય ખેલાડીઓના ચિત્રો બનાવવામાં આવ્યા છે. જેમાં રોહિત શર્મા, વિરાટ કોહલી અને હાર્દિક પંડ્યા મુખ્ય છે.

20 વર્લ્ડ કપમાં આજે ભારત અને પાકિસ્તાન વચ્ચે શાનદાર મુકાબલો થશે. બંને ટીમો ઐતિહાસિક મેલબોર્ન ક્રિકેટ ગ્રાઉન્ડ પર લગભગ એક લાખ દર્શકોની સામે રમશે.

ભારત-પાકિસ્તાન મેચના કારણે આ મેચમાં ખેલાડીઓ પર દબાણ ખૂબ વધારે છે. ઘણા એવા ખેલાડીઓ પણ છે જે હંમેશા એકબીજા સામે સારો દેખાવ કરવાનો પ્રયાસ કરે છે.

જો ભારતીય ટીમને શરૂઆતમાં જ ઝટકો લાગે છે તો ઈનિંગને સંભાળવાની જવાબદારી પૂર્વ કેપ્ટન વિરાટ કોહલી પર રહેશે. પાકિસ્તાનનો યુવા ફાસ્ટ બોલર નસીમ શાહ તેની ઝડપ અને નિયંત્રણ માટે જાણીતો છે.

આજની મેચને લઈને ભારત અને પાકિસ્તાન બન્ને દેશના ફેન્સમાં ઉત્સાહ જોવા મળી રહ્યો છે. ભારતી ફેન્સ હાથમાં તિરંગો લઈને રસ્તા પર ચાલતા જોવા મળી રહ્યા છે. (All Photo Twitter)