PHOTOS: તે જ મેદાન પર રમાશે બૉર્ડર-ગાવસ્કર ટ્રૉફીની બીજી ટેસ્ટ, જ્યાં 36 રનમાં ઓલઆઉટ થઇ ગઇ હતી ટીમ ઇન્ડિયા

Indian Cricket Team 36 All Out: ભારત અને ઓસ્ટ્રેલિયા વચ્ચે બૉર્ડર-ગાવસ્કર ટ્રૉફીની બીજી ટેસ્ટ એડિલેડ ઓવલ ખાતે રમાશે. આ એ જ મેદાન છે જ્યાં ટીમ ઈન્ડિયા 36 રનમાં ઓલઆઉટ થઈ ગઈ હતી. આ દિવસોમાં બૉર્ડર-ગાવસ્કર ટ્રૉફી હેઠળ ભારત અને ઓસ્ટ્રેલિયા વચ્ચે પાંચ મેચની ટેસ્ટ સીરીઝ રમાઈ રહી છે.

સીરીઝની પ્રથમ મેચ પર્થના પર્થ સ્ટેડિયમમાં રમાઈ હતી, જેમાં ટીમ ઈન્ડિયાએ 295 રનથી જીત મેળવી હતી. આ જીત સાથે ટીમ ઈન્ડિયાએ સીરીઝમાં 1-0ની લીડ મેળવી લીધી છે.

હવે બંને ટીમો સીરીઝની બીજી ટેસ્ટ માટે એડિલેડના એડિલેડ ઓવલ મેદાનમાં આમને સામને ટકરાશે. બીજી ટેસ્ટ 06 થી 10 ડિસેમ્બર વચ્ચે રમાશે.

એડિલેડ ઓવલ એ જ મેદાન છે જ્યાં 2020માં ભારતીય ટીમ ઓસ્ટ્રેલિયા સામે માત્ર 36 રનના સ્કૉર પર ઓલઆઉટ થઈ ગઈ હતી. આવી સ્થિતિમાં ટીમ માટે આ મેદાન પર રમવું બિલકુલ સરળ નહીં હોય.

મેચની બીજી ઇનિંગમાં બેટિંગ કરતા ભારતીય ટીમ માત્ર 36 રનના સ્કૉર સુધી જ સિમિત રહી હતી. ટીમના તમામ 11 બેટ્સમેનો સિંગલ ડિજિટ એટલે કે ડબલ ડિજિટના સ્કૉર પર પેવેલિયન પરત ફર્યા હતા.

ઓસ્ટ્રેલિયાએ આ મેચ 8 વિકેટે જીતી લીધી હતી. હવે એ જોવાનું રસપ્રદ રહેશે કે ટીમ ઈન્ડિયા આ વખતે એડિલેડ ઓવલમાં કેવું પ્રદર્શન કરે છે. આ પિંક બોલ ટેસ્ટ હશે.