Valentine’s Day 2024: રોહિત શર્મા અને રિતિકાની લવ સ્ટોરી છે એકદમ ફિલ્મી, જાણો કોણે કર્યો હતો પ્રપોઝ?

આજે વેલેન્ટાઇન ડે સમગ્ર વિશ્વમાં ખુશીથી ઉજવવામાં આવી રહ્યો છે. પ્રેમના આ ખાસ દિવસે આજે અમે તમને ભારતીય કેપ્ટન રોહિત શર્માની લવ સ્ટોરી વિશે જણાવીશું.

ભારતીય ટીમના કેપ્ટન રોહિત શર્મા અને રિતિકાની લવસ્ટોરી પણ ઘણી રસપ્રદ છે.

રોહિત શર્માની પત્ની રિતિકા સજદેહ સ્પોર્ટ્સ ઈવેન્ટ મેનેજર હતી. રોહિત અને રિતિકા ક્રિકેટ દ્વારા એકબીજાને મળ્યા હતા. તેમની મુલાકાત ધીરે ધીરે પ્રેમમાં બદલાઈ ગઈ.

રોહિત શર્માએ રિતિકાને 6 વર્ષ સુધી ડેટ કરી હતી. રોહિતે તેની પત્ની રિતિકાને ખૂબ જ ફિલ્મી અંદાજમાં પ્રપોઝ કર્યું હતું. રોહિતે બોરીવલીની સ્પોર્ટ્સ ક્લબમાં ઘૂંટણિયે બેસીને રીતિકાને પ્રપોઝ કર્યું હતું.

રોહિત માટે બોરીવલીની સ્પોર્ટ્સ ક્લબ ખૂબ જ ખાસ હતી. કારણ કે અહીં જ તેણે 11 વર્ષની ઉંમરમાં પોતાની પ્રથમ મેચ રમી હતી. આથી રોહિતે પોતાના જીવનની નવી ઇનિંગ અહીંથી શરૂ કરી હતી.

6 વર્ષ સુધી એકબીજાને ડેટ કર્યા બાદ રોહિત શર્મા અને રિતિકાએ 2015માં લગ્ન કરવાનો નિર્ણય લીધો હતો.

લગ્નના 3 વર્ષ પછી રિતિકાએ પુત્રીને જન્મ આપ્યો હતો. રોહિત શર્મા હાલમાં ભારતીય ટીમનો કેપ્ટન છે અને તેની પત્ની રિતિકા દરેક મોટી મેચમાં રોહિતને ચીયર કરવા સ્ટેડિયમમાં જોવા મળે છે.