In Pics: ક્રિકેટ માટે ડેવૉન કૉનવેએ વેચી દીધી હતી પોતાની પુરેપુરી સંપતિ, IPL માટે છુપાઇને કર્યા હતા લગ્ન, દિલચસ્પ છે CSKના ઓપનરની કહાણી

In Pics: આઇપીએલની 16મી સિઝનમાં ચેન્નાઇ સુપર કિંગ્સ ટીમનો સ્ટાર બેટ્સમેન ડેવૉન કૉનવે અત્યારે ખુબ ચર્ચામાં છે. આ સિઝનમાં ડેવૉન કૉનવેની બેટિંગ જબરદસ્ત રીતે ચર્ચામાં છે. ડેવૉન કૉનવે અત્યાર સુધી આ સિઝનમાં 400થી વધુ રન ફટકારી ચૂક્યો છે.

આઇપીએલની 16મી સિઝનમાં ચેન્નાઇ સુપર કિંગ્સ ટીમનો ભાગ રહેલો ડેવૉન કૉનવે ખુબ શાનદાર લયમાં જોવા મળી રહ્યો છે. જેમાં તે અત્યાર સુધી 59.14ની એવરેજ 414 રન બનાવી ચૂક્યો છે.

ડેવૉન કૉનવેની અહીં સુધીની સફર બિલકુલ પણ આસાન નથી રહી, સાઉથ આફ્રિકા છોડીને જ્યારે તે ન્યૂઝીલેન્ડ શિફ્ટ થયો તો તેને પોતાની તમામ સંપતિ વેચી દીધી હતી.

ન્યૂઝીલેન્ડ ટીમમાં જગ્યા બનાવવા માટે ડેવૉન કૉનવેને ખુબ સખત મહેનત કરવી પડી હતી. આ પછી છેવટે તેને આંતરરાષ્ટ્રીય ક્રિકટેમાં ડેબ્યૂ કરવાનો મોકો મળ્યો હતો.

ડેવૉન કૉનવેની પત્ની કિમ વૉટસને તેને ન્યૂઝીલેન્ડ જઇને પોતાની ક્રિકેટ કેરિયરને આગળ વધારવા માટે સલાહ આપી હતી, જે પછી તેને આ નિર્ણય કર્યો હતો.

વર્ષ 2022માં ડેવૉન કૉનવેએ કિવ વૉટસનને લાંબા સમય સુધી ડેટિંગ કર્યા બાદ તેની સાથે એક પ્રાઇવેટ સેરેમનીમાં લગ્ન કરી લીધા હતા. કિમ વૉટસન ક્રિકેટ મેચ દરમિયાન ડેવૉન કૉનવેને સ્ટેન્ડમાં ચીયર કરતા ખુબ જ ઓછી દેખાઇ છે.

ડેવૉન કૉનવેએ અત્યાર સુધી ન્યૂઝીલેન્ડ માટે 16 ટેસ્ટ, 18 વનડે અને 38 ટી20 આંતરરાષ્ટ્રીય મેચ રમી છે. આ ઉપરાંત ડેવૉન કૉનવે આઇપીએલમાં પણ 15 મેચ રમી ચૂક્યો છે.