રાજકોટઃ રાતે લેક્ચરર પ્રેમિકાના ઘરમાં ઘૂસી PSIએ મચાવ્યો હંગામો, હાથની નસ કાપી કર્યો આપઘાતનો પ્રયાસ

ગત ગુરુવારે યુવતીના પરિવારના સભ્યો ઘરમાં સૂતા હતા ત્યારે મારૂએ ઘરમાં ઘુસીને ધમાલ મચાવતા એકત્ર થઇ ગયેલા ટોળાએ પીએસઆઇ મારૂને પકડી સ્થાનિક પોલીસના હવાલે કરી દીધો હતો. યુવતીએ મારૂ સામે નિર્લજ્જ હુમલો, ખૂનની ધમકીનો ગુનો નોંધાવ્યો હતો. મારૂએ પણ વળતી ફરિયાદ નોંધવાનું કહી પોલીસ મથકમાં જ આપઘાતનો પ્રયાસ કર્યો હતો.

લેક્ચરર યુવતી રાજકોટમાં ભાડાના મકાન માટેનો કરાર પોલીસ સ્ટેશનમાં જમા કરાવવા ગઈ હતી, ત્યારે પીએસઆઇ મેહુલ મારૂના પરિચયમાં આવી હતી. આ પછી બંને વચ્ચે પ્રેમસંબંધ બંધાયા હતા. જોકે, પ્રેમસંબંધ તૂટતાં યુવતી ઉપલેટા જતી રહી હતી. દરમિયાન મારૂ પણ છેલ્લા ચાર દિવસથી ઉપલેટા હતો અને રોજ પૂર્વ પ્રેમિકાના ઘર પાસે આંટાફેરા કરી ત્રાસ ગુજારતો હતો.

રાજકોટઃ ઉપલેટામાં રહેતી પૂર્વ પ્રેમિકાના ઘરમાં ઘૂસીને હંગામો મચાવ્યો હતો. આ અંગે પીએસઆઇ સામે યુવતીએ ફરિયાદ નોંધાવતાં પોતાના હાથની નસ કાપી નાંખી હોવાનું જાણવા મળ્યું છે. પીએસઆઇએ ગત ગુરુવારે ઉપલેટા પોલીસ મથકમાં જ હાથની નસ કાપીને આપઘાતનો પ્રયાસ કરતાં તેને હોસ્પિટલ ખસેડવામાં આવ્યો હતો. જ્યાં સારવાર પછી તેની ધરપકડ કરવામાં આવી હતી.

આ અંગેની વિગતો પ્રમાણે રાજકોટ બી ડિવિઝન પોલીસ મથકમાં ફરજ બજાવતા પીએસઆઇ એમ.સી.મારૂ અને ઉપલેટામાં રહેતી અને અગાઉ રાજકોટમાં ભરાડ સ્કૂલમાં લેક્ચરર તરીકે નોકરી કરતી યુવતી વચ્ચે પ્રેમસંબંધ હતા. જોકે, મારૂ પરણિત હોવાનું અને બે સંતાનનો પિતા હોવાની જાણ પ્રેમિકાને થઈ જતાં તેણે મારૂ સાથેના પ્રેમસંબંધ તોડી નાંખ્યા હતા. એટલું જ નહીં, યુવતી નોકરી છોડી ઉપલેટા ચાલી ગઈ હતી.