સોનાની ખરીદી કરવા રવિન્દ્ર જાડેજા શો રૂમ પહોંચ્યો, કોના માટે કરી ખરીદી?

તેમજ રાજકોટમાં પણ તે પોતાની પુત્રીના ચેક માટે હોસ્પિટલ ગયો હતો ત્યારે પત્ની અને પુત્રી સાથે રસ્તા પર જોવા મળ્યો હતો.

રાજકોટ: ઓસ્ટ્રેલિયા સામેની સિરીઝમાં રવિન્દ્ર જાડેજાને આરામ આપવામાં આવ્યો હતો. તે દરમિયાન રવિન્દ્ર જાડેજા પોતાના વતન જામનગર અને રાજકોટ ખાતે વેકેશનની મજા માણી રહ્યો છે. આજે પત્ની અને પરિવાર સાથે સોના-ચાંદીની ખરીદી કરવા નીકળ્યો હતો. આ દરમિયાન તેની પત્ની રિવાબા પણ સાથે હતાં.

તસવીરો જોતા એવું લાગી રહ્યું છે કે રિવાબા પોતાના માટે સોનાની ખરીદી કરી રહ્યા હોય. જ્ચારે રિવાબા પોતે હાથમાં વીંટી પહેરતા હોય તેવું લાગી રહ્યું છે. રવિન્દ્ર જાડેજા અને રિવાબા પરિવાર સાથે સોના-ચાંદીના એક ફેમસ શો રૂમમાં પહોંચ્યા હતાં. શો રૂમમાં નોકરી કરતાં લોકો જાડેજા સાથે ફોટો પડાવવા લાગ્યા હતાં.

રવિન્દ્ર જાડેજા હાલ પોતાના વતન જામનગર અને રાજકોટમાં વેકેશન માણી રહ્યો છે. રવિન્દ્ર પોતાના સંબંધીને ત્યા યોજાયેલા લગ્ન પ્રસંગમાં હાજર રહ્યો હતો. તેમજ પોતાના સંબંધીઓની સાથે ફોટા પડાવ્યા હતા તે તસવીરો સોશિયલ મીડિયામાં શેર કરી છે.

થોડા સમય પહેલા જ જામનગર ખાતે આવેલા તેના ફાર્મ હાઉસમાં પોતાની પુત્રી નિધ્યાનાબા અને પત્ની રીવાબા સાથે સમય વિતાવ્યો હતો. જામનગરમાં બની રહેલા તેના નવા બંગલોની મુલાકાતની તસવીરો પણ સામે આવી હતી.