આ ઘટનાનો વીડિયો બીસીસીઆઈ ડોમેસ્ટિકે પોતાના ટ્વિટર હેન્ડલ પર શેર કર્યો હતો. તેમણે લખ્યું હતું કે, સાપે મેચ રોકી. મેદાન પર એક મહેમાન હતો જેના લીધે મેચ મોડી ચાલુ કરવામાં આવી હતી. વીડિયોમાં ગ્રાઉન્ડ સ્ટાફ સાપને પકડવાની કોશિશ કરતાં જોવા મળ્યાં હતાં.
આ મેચ આંધ્રપ્રદેશના વિજયવાડાના મુલાપાડુમાં રમાઈ રહી છે. ગ્રાઉન્ડમાં સાપ જોવા મળતાં ખેલાડીઓમાં દોડધામ મચી ગઈ હતી અને તાત્કાલિક સાપને પકડવા માટે સ્ટાફને બોલાવવામાં આવ્યો હતો.