મુંબઇઃ ભારતીય ક્રિકેટ ટીમના ઓલરાઉન્ડર ખેલાડી હાર્દિક પંડ્યાએ બોલિવૂડ એક્ટ્રેસ ઉર્વશી રૌતેલાને પાગલપંતી ફિલ્મમાં શાનદાર ભૂમિકા બદલ એક પપી (ગલૂડીયુ) ગિફ્ટમાં આપ્યું છે. ઉર્વશીએ પોતાના પરિવારમાં સામેલ આ નવા મહેમાનની એક સુંદર તસવીર ઇન્સ્ટાગ્રામ પર શેર કરી હતી જે તેને પાગલપંતી માટે ભેટના રૂપમાં મળી છે.
જોકે, ઉર્વશીએ આ વાતની પુષ્ટી કરી નથી કે આ પપી તેને ગિફ્ટમાં કોણે આપ્યું છે. એક રિપોર્ટમાં એવું પણ કહેવામાં આવ્યુ છે કે પંડ્યાએ આ પપી ઉર્વશીને ગિફ્ટમાં આપ્યું છે. જો તમે હાર્દિક પંડ્યા અને ઉર્વશી રૌતેલાનું ઇન્સ્ટાગ્રામ એકાઉન્ટ જોશો તો તમને બંન્નેના એકાઉન્ટ પર શેર કરેલી તસવીરોમાં એક જ પપી જોવા મળશે. જેનાથી એ શક્યતા મજબૂત બને છે કે ઉર્વશીને આ પપી હાર્દિક પંડ્યાએ ગિફ્ટમાં આપી છે.