એશિયા કપઃ આજે ભારત-પાકિસ્તાન વચ્ચે ટક્કર, જાણો કેટલા વાગે થશે ટોસ ને કઇ ચેનલ પર થશે લાઇવ ટેલિકાસ્ટ

દુબઈઃ એશિયા કપમાં આજે બે કટ્ટર હરિફ ભારત અને પાકિસ્તાનનો મુકાબલો થશે. ભારત-પાકિસ્તાનની ક્રિકેટ ટીમ કોઇપણ ટુર્નામેન્ટમાં ટકરાય ત્યારે સરહદની બંને પારના દેશવાસીઓનો રોમાંચ ચરમે પહોંચી જતો હોય છે. ક્રિકેટ રસિયાઓ પણ આ મુકાબલો શરૂ થવાની રાહ જોઈ રહ્યા છે.

એશિયા કપ વન-ડેમાં ભારત અને પાકિસ્તાન કુલ 11 વાર ટકરાયા છે. જેમાંથી ભારત-પાકિસ્તાનનો 5-5માં વિજય થયો છે જ્યારે 1 મેચ રદ થઈ હતી. આમ, બંને ટીમનું એકબીજા પર સમાન પ્રભુત્વ જોવા મળ્યું છે.

ભારતીય સમય મુજબ સાંજે 4.30 કલાકે ટોસ થશે અને 5 કલાકે મેચ શરૂ થશે. મેચની ઈંગ્લિશ કોમેન્ટ્રી Star Sports 1 અને Star Sports 1 HD પરથી પ્રસારિત થશે. જ્યારે Star Sports 3 અને Star Sports 3 HD પરથી હિન્દીમાં કોમેન્ટ્રી પ્રસારિત થશે. હોટસ્ટાર પરથી મેચનું લાઇવ સ્ટ્રીમિંગ નીહાળી શકાશે.

પાકિસ્તાનના વડાપ્રધાન અને પૂર્વ ક્રિકેટર ઇમરાન ખાન પણ આ મેચ જોવા આવશે તેમ કહેવામાં આવી રહ્યું છે.