એશિયા કપઃ પાકિસ્તાનને ધૂળ ચટાવ્યા બાદ ટીમ ઈન્ડિયાએ સેલિબ્રેટ કર્યો આ ખેલાડીનો બર્થ ડે, જુઓ તસવીરો

દુબઈઃ એશિયા કપ 2018ના સુપર 4 રાઉન્ડમાં રવિવારે ટીમ ઈન્ડિયાને પાકિસ્તાનને 9 વિકેટે હાર આપીને ફાઇનલમાં સ્થાન નિશ્ચિત કરી લીધું હતું. આ દિવસે ટીમ ભારતીય ટીમના બેટ્સમેન અંબાતી રાયડૂનો પણ જન્મદિવસ હતો. અંબાતી રાયડૂએ મેચ વિનિંગ રન બનાવવાની સાથે બર્થ ડે યાદગાર બનાવી દીધો હતો.

અંબાતી ભારત તરફથી 38 વન ડેમાં 50ની સરેરાશથી 1117 રન બનાવી ચુક્યો છે. જેમાં 2 સદી અને 7 અડધી સદી સામેલ છે. એશિયા કપ 2018ની 4 મેચમાં તેણે 116 રન બનાવ્યા છે.

બર્થ ડે પાર્ટીમાં બોલીવુડ સોંગ ચુરા કે દિલ મેરા ગોરિયાં ચલી પર ક્રિકેટર કેદાર જાદવે ડાન્સ કર્યો હતો. બર્થ ડે સેલિબ્રેશનનની તસવીરો સોશિયલ મીડિયા પર વાયરલ થઈ રહી છે.

રાયડૂની બર્થ ડે મસ્તીમાં એશિયા કપમાં ભારતના કટ્ટર હરિફ પાકિસ્તાનને 2 વખત ધૂળ ચટાવવાની ખુશી પણ જોવા મળી હતી. રાયડૂએ કેક કાપ્યા બાદ ટીમના સાથી મહેન્દ્ર સિંહ ધોનીએ તેના ચહેરા પર કેક લગાવી ખૂબ મસ્તી કરી હતી.