વર્લ્ડ કપ માટે મશરફે મુર્તજાને ટીમના કેપ્ટન બનાવવામાં આવ્યા છે. જ્યારે ટીમના વાઈસ કેપ્ટન ઓલરાઉન્ડર શાકિબ અલ હસનને બનાવવામાં આવ્યા છે. આ ટીમમાં બાંગ્લાદેશ માટે એક પણ વનેડ નહીં રમનાર અબૂ જાયેદને સ્થાન મળ્યું છે.
ઉપરાંત એશિયા કપ બાદ સતત ટીમમાંથી બહાર ચાલી રહેલ બેટ્સમેન મોસાદ્દેક હુસૈનને પણ ટીમમાં સ્થાન મળ્યું છે.
ઝીલેન્ડમાં શાનદાર સેન્ચુરી લગાવનાર સબ્બીર રહમાનને પણ ટીમમાં સ્થાન મળ્યું છે. બાંગ્લાદેશની ટીમે છેલ્લી બે આઈસીસી ટૂર્નામેન્ટમાં શાનદાર પ્રદર્શન કર્યું હતું. વર્લ્ડ કપ 2015માં ટીમે ઇંગ્લેન્ડને હરાવીને ક્વાર્ટર ફાઈનલમાં સ્થાન મેળવ્યું હતું. જ્યાં તેણે ભારતના હાથે હારનો સામનો કરવો પડ્યો હતો. ચેમ્પિયન્સ ટ્રોફી 2017માં પણ ટીમે શાનદાર પ્રદર્શન કર્યું હતું. અહીં ટીમ સેમીફાઈનલ સુધી પહોંચવામાં સફળતા મળી હતી.
વર્લ્ડ કપ માટે બાંગ્લાદેશની ટીમઃ મશરફે મુર્તજા (કેપ્ટન), તમન ઈકબાલ, મહમૂદુલ્લાહ, મુશફિકુર રહીમ, શકિબ અલ હસન (વાઈસ કેપ્ટન), સૌમ્યા સરકાર, લિટન દાસ, સબ્બીર રહમાન, મેહદી હસન, મોહમ્મદ મિથુન, રુબેલ હુસૈન, મુસ્તાફિજુર રહમાન, મોહમ્મદ સૈફુદ્દીન, મોસાદ્દેક હુસૈન, અબૂ જાયેદ