અફઘાનિસ્તાન તરફથી ટેસ્ટ ક્રિકેટમાં પ્રથમ સદી ફટકારનારો ક્રિકેટર બન્યો આ ખેલાડી, જાણો વિગત
abpasmita.in | 05 Sep 2019 03:19 PM (IST)
દરમિયાન અફઘાનિસ્તાનના બેટ્સમેન રહમત શાહે સદી ફટકારી હતી. જેની સાથે જ તે અફઘાનિસ્તાન તરફથી ટેસ્ટ ક્રિકેટમાં સદી મારનારો પ્રથમ ખેલાડી બની ગયો છે.
ઢાકાઃ બાંગ્લાદેશ-અફઘાનિસ્તાન વચ્ચે આજથી ટેસ્ટ મેચનો પ્રારંભ થયો છે. મેચમાં અફઘાનિસ્તાને ટોસ જીતીને પ્રથમ બેટિંગ કરવાનો ફેંસલો લીધો છે. 70 ઓવર બાદ અફઘાનિસ્તાનનો સ્કોર 5 વિકેટના નુકસાન પર 197 રન છે. આ દરમિયાન અફઘાનિસ્તાનના બેટ્સમેન રહમત શાહે સદી ફટકારી હતી. જેની સાથે જ તે અફઘાનિસ્તાન તરફથી ટેસ્ટ ક્રિકેટમાં સદી મારનારો પ્રથમ ખેલાડી બની ગયો છે. 98 રન પર હતો ત્યારે ચોગ્ગો ફટકારીને શાહે સદી પૂરી કરી હતી અને તે પછીનો બોલ પર જ આઉટ થઈ જતાં સદીનો જશ્ન લાંબો સમય સુધી મનાવી શક્યો નહતો. આ પહેલા પણ અફઘાનિસ્તાન તરફથી ટેસ્ટ ક્રિકેટમાં સર્વોચ્ચ સ્કોરનો રેકોર્ડ રહમત શાહના નામે હતો. તેણે આયર્લેન્ડ સામે 98 રનની ઈનિંગ રમી હતી.