વર્લ્ડકપમાં ધોનીની ધીમી બેટિંગને લઈને તેના પર અનેક સવાર ઉઠી રહ્યા છે. અંગ્રેજી સમાચાર પત્ર ટાઈમ્સ ઓફ ઇન્ડિયાએ બીસીસીઆઈ સાથે જોડાયેલા સૂત્રોના હવાલે જણાવ્યું ચે કે, વર્લ્ડ કપમાં ધોનીની ધીમી બેટિંગને જોતા મુખ્ય પસંદગીકર્તા એમએસકે પ્રસાદ ટુંક સમયમાં તેની સાથે વાતચીત કરશે. તેમણે કહ્યું કે, જો ધોની ખુદ નિવૃત્તીની જાહેરાત ન કરે તો તેને ટીમમાં સામેલ કરવામાં નહીં આવે. આમ પસંદગીકારોએ ઈશારામાં સંકેત આપ્યા છે કે, હવે ધોની ટીમ પસંદગીની યોજનામાં સામેલ નથી.
તમને જણાવી દઈએ કે, ટીમ ઈન્ડીયાનો વેસ્ટ ઈન્ડીઝનો પ્રવાસ 3 ઓગષ્ટથી શરૂ થશે. જેમાં ત્રણ ટી-20, ત્રણ વન ડે અને બે ટેસ્ટ મેચ રમવામાં આવશે. પ્રવાસની શરૂઆત ટી-20થી થશે, ત્યારબાદ વન ડે 8 ઓગષ્ટથી. અને 22 ઓગષ્ટે પહેલી ટેસ્ટ મેચ રમવામાં આવશે, બીજી ટેસ્ટ મેચ 30 ઓગષ્ટે. આ પ્રવાસ માટે ટીમ ઈન્ડીયાની પસંદગી 19 જુલાઈએ થઈ શકે છે. વેસ્ટ ઇન્ડિઝ પ્રવાસ માટે શિખર ધવનનું રમવું પણ મુશ્કેલ છે. તેની જગ્યાએ ટીમમાં મયંક અગ્રવાલને સ્થાન મળી શકે છે.