મુંબઇઃ ક્રિકેટરો અને એક્ટરો વચ્ચે વર્ષો જુનો સંબંધ છે, ક્રિકેટ અને બૉલીવુડ હંમેશા એકસાથે રહે છે. બૉલીવુડમાં અત્યારે ક્રિકેટર કપિલ શર્મા પર બનેલી વર્લ્ડકપ 1983ને લઇને ફિલ્મ 83 ખુબ ચર્ચામાં છે. આ પહેલા મહેન્દ્ર સિંહ ધોની અને મિતાલી રાજ જેવા સ્ટાર ક્રિકેટરોની બાયૉપિક બની ચૂકી છે. એટલુ જ નહીં સચિન તેંડુલકર પર એક ડોક્યુમેન્ટ્રી પણ બનાવવામાં આવી હતી. હવે રિપોર્ટ છે કે, બૉલીવુડમાં વધુ એક ક્રિકેટરની બાયૉપિક એન્ટ્રી કરી રહી છે. આ ફિલ્મ ભારતની સ્ટાર ફાસ્ટ બૉલર ઝૂલન ગોસ્વામી પર બની રહી છે.
અનુષ્કા દેખાશે લીડ રૉલમાં-
રિપોર્ટ છે કે ભારતીય મહિલા ક્રિકેટર ઝૂલન ગોસ્વામી પર ફિલ્મ બની રહી છે, અને ફિલ્મ માટે ભારતીય ટેસ્ટ ટીમના કેપ્ટન અને બૉલીવુડ એક્ટ્રેસ અનુષ્કા શર્માને પસંદ કરવામાં છે. એટલે કે અનુષ્કા ઝૂલન ગોસ્વામીની જેમ આ બાયોપિકમાં અનુષ્કા વિરોધી ખેલાડીઓના સ્ટમ્પ ઉખાડતી જોવા મળશે, અનુષ્કા શર્મા મુખ્ય ભૂમિકામાં જોવા મળશે. આ ફિલ્મનું શૂટિંગ વર્ષ 2022ના જૂન મહિનાથી શરૂ થઈ શકે છે.
કોલકત્તામાં થશે શૂટિંગ-
મીડિયા રિપોર્ટ્સ અનુસાર, અનુષ્કા શર્મા આ ફિલ્મનું શૂટિંગ કલકત્તામાં કરશે. આ ફિલ્મના નિર્દેશક પ્રોસિત રોય છે. અહેવાલો સામે આવ્યા છે કે, આ ફિલ્મનું શૂટિંગ આ વર્ષે ડિસેમ્બર સુધીમાં પૂર્ણ થઈ જશે. ઉલ્લેખનીય છે કે, થોડાક સમય પહેલા પણ અનુષ્કા શર્મા અને ઝૂલન ગોસ્વામી ઈડન ગાર્ડનના મેદાન પર સાથે જોવા મળ્યા હતા. આની તસવીરો પણ વાયરલ થઇ હતી, આ દરમિયાન અનુષ્કા ટીમ ઇન્ડિયાની જર્સીમાં દેખાઇ રહી હતી.
આ પણ વાંચો.........
SBI Recruitment: એસબીઆઈમાં અનેક જગ્યાઓ માટે ભરતી બહાર પડી, આ તક ચૂકશો નહીં, આજે જ કરો અરજી
વિરાટ કોહલી પત્રકાર પરિષદમાં કેમ નથી આવતો, રાહુલ દ્રવિડે આપ્યો આ જવાબ