ઓસ્ટ્રેલિયાની પૂર્વ મિસ વર્લ્ડ એરિન હોલેન્ડે પણ તેના ટ્વિટર હેન્ડલ પર ગેલ અને યુવરાજનો એક ડાન્સ વીડિયો પોસ્ટ કર્યો છે. આ વીડિયો પોસ્ટ કરી તેને યુઝર્સને પૂછ્યું છે કે બન્નેમાંથી કોણ સારો ડાન્સ કરી રહ્યો છે.
આ ડાન્સ વીડિયો 29 જુલાઈનો બતાવવામાં આવી રહ્યો છે. તે દિવસે ટોરંટો નેશનલ્સનો મુકાબલો વિન્નીપેગ હોક્સ અને વૈંકૂવર નાઇટ્સની મેચ મોટ્રિંયલ ટાઇગર્સ સાથે હતી. ઓનટારિયોમાં વિન્નીપેગ સામેની મેચમાં યુવરાજે 4 ચોગ્ગા અને 2 છગ્ગાની મદદથી 26 બોલમાં 45 રન ફટકાર્યા હતા. જોકે આ મેચ યુવરાજની ટીમ 3 વિકેટથી હારી હતી.
યુવરાજ સિંહે આ ટૂર્નામેન્ટમાં અત્યાર સુધી રમેલી 3 મેચોમાં 31ની એવરેજથી 94 રન બનાવ્યા છે. પાછલી બે મેચોમાં યુવરાજે જોરદાર બેટિંગ કરી હતી. જ્યારે ક્રિસ ગેઈલ ટૂર્નામેન્ટમાં સૌથી વધુ રન બનાવનાર ખેલાડી છે. ગેઈલે 3 મેચોમાં 179 રન બનાવ્યા છે. યુવરાજની ટીમ ટોરન્ટો નેશનલ્સ ટૂર્નામેન્ટમાં સૌથી નીચેના ક્રમે છે. તેણે ત્રણમાંથી માત્ર એક જ મેચ જીતી છે જ્યારે બે મેચોમાં હારનો સામનો કરવો પડ્યો છે.