નવી દિલ્હીઃ ઇન્ડિયન પ્રીમિયર લીગ (IPL 2021) સિઝન 14ની બીજી મેચ ચેન્નાઇ સુપર કિંગ્સ (CSK) અને દિલ્હી કેપિટલ્સ (DC )વચ્ચે રમાઇ. મેચમાં દિલ્હી કેપિટલ્સને (Delhi Capitals) ધોનીની ટીમને 7 વિકેટે સજ્જડ હાર આપી. આ સાથે જ ધોનીને (Dhoni) ડબલ નુકશાન થયુ છે. ધોની સાથે મેચ બાદ પડ્યા પર પાટુ જેવો ખેલ થયો છે, કેમકે હાર તો મળી પરંતુ સાથે સાથે 12 લાખ રૂપિયાની મોટી રકમનો દંડ (12 Lakh rs Fined) પણ થયો છે. ચેન્નાઇ સુપર કિંગ્સના કેપ્ટન મહેન્દ્ર સિંહ ધોની સ્લૉ ઓવર રેટના (Slow Over Rate) કારણે દંડાયો છે, રિપોર્ટ્સ પ્રમાણે ધોની પર 12 લાખ રૂપિયાની મોટી રકમનો દંડ થયો છે.
આઇપીએલ ગર્વર્નિંગ કાઉન્સિલ મેચના સમયને લઇને કડક થઇ ગઇ. આઇપીએલની શરૂઆતથી પહેલાથી જ જાહેરાત કરી દીધી હતી કે જે પણ ટીમ નિર્ધારિત 90 મિનીટમાં 20 ઓવર બૉલિંગ નથી કરી શકતી, તેને દંડનો સામનો કરવો પડશે.
ચેન્નાઇ સુપર કિંગ્સ પોતાની પહેલી મેચમાં જ નિર્ધારિત સમય દરમિયાન 20 ઓવર બૉલિંગ ના કરી શકી. સ્લૉ ઓવર રેટના કારણે ટીમના કેપ્ટન મહેન્દ્ર સિંહ ધોનીને 12 લાખ રૂપિયાનો દંડ ફટકારવામાં આવ્યો છે. એટલુ જ નહીં જો ધોનીની ટીમ આ સિઝનમાં ફરીથી આ ભૂલ કરશે તો એમએસ ધોનીને એક મેચ માટે બહાર પણ બેસવુ પડી શકે છે.
મેચ હાઇલાઇટ્સ....
પોતાની પહેલી (દિલ્હી કેપિટલ્સના) કેપ્ટન તરીકેની મેચ રમી રહેલા ઋષભ પંતે ટૉસ જીતીને ધોનીની ટીમ સીએસકેને બેટિંગ માટે આમંત્રણ આપ્યુ હતુ. પ્રથમ બેટિંગ કરવા ઉતરેલી સીએસકેની ટીમે 20 ઓવર રમી 7 વિકેટ ગુમાવીને 188 રન બનાવ્યા હતા, જવાબમાં લક્ષ્યનો પીછો કરવા ઉતરેલી દિલ્હી કેપિટલ્સે જબરદસ્ત શરૂઆત કરતા પૃથ્વી શૉ અને શિખર ધવને મજબૂત પાંયો નાંખ્યો અને અંતે દિલ્હી કેપિટલ્સની ટીમ 3 વિકેટના નુકશાને 18.4 ઓવરમાં 190 રન બનાવીને મેચ જીતી લીધી હતી. ખાસ વાત છે કે, ઋષભ પંતે કેપ્ટન તરીકે પોતાની ગુરુ મહેન્દ્ર સિંહ ધોની સામે જ પોતાની કેપ્ટનશીપની પ્રથમ મેચ જીતીને જોરદાર શરૂઆત કરી હતી.