ન્યૂઝીલેન્ડ અને ઓસ્ટ્રેલિયાની સીરિઝ પર પહેલેથી જ કોરોના વાયરસનું જોખમ હતું. બન્ને ટીમોની વચ્ચે શુક્રવારે સીરિઝની પ્રથમ મેચ દર્શકો વગર રમાઈ હતી. આ મેચમાં ઓસ્ટ્રેલિયા ટીમને 71 રને જીત મેળવી હતી અને ત્રણ મેચની સીરિઝમાં 1-0થી લીડ મેળવી હતી. સીરિઝની બીજી વનડે 15 માર્ચે અને ત્રીજી વનડે 20 માર્ચે રમાવાની હતી.
ક્રિકેટ ઓસ્ટ્રેલિયાએ આગામી નોટિસ સુધી આ સીરિઝ રદ્દ કરવાનો નિર્ણય કર્યો છે. તેની સાથે જ ક્રિકેટ ઓસ્ટ્રેલિયા અને ન્યૂઝીલેન્ડ ક્રિકેટ બોર્ડ મળીને આ સીરિઝનું ભવિષ્ય નક્કી કરશે. એવી જાણકારી છે કે ન્યૂઝીલેન્ડ અને ઓસ્ટ્રેલિયાની વચ્ચે રમામનાર અંડર 19 ક્રિકેચ મેચ પણ રદ્દ કરવામાં આવી છે. બન્ને દેશોની અંડર 19 ટીમોની વચ્ચે 20-20 મેચની સિરિઝ રમાવાની હતી.
મહિલા ટીમે દક્ષિણ આફ્રીકાનો પ્રવાસ રદ્દ કર્યો
કોરોના વાયરસને કારણે ઓસ્ટ્રેલિયાએ બાકીના દેશોની સાથેની સીરિઝ પણ રદ્દ કરી દીધી છે. ઓસ્ટ્રેલિયાની મહિલા ક્રિકેટ ટીમ આ મહિનાના અંતમાં જનાર પોતાના દક્ષિણ આફ્રીકાનો પ્રવાસ પણ રદ્દ કરી દીધો છે. ઓસ્ટ્રેલિયાએ રવિવારે 8 માર્ચના રોજ ઇન્ડિયાને હરાવીને આઈસીસી મહિલા 20-20 વર્લ્ડ કપ ખિતાબ પોતાના નામે કર્યો છે.