Asia Cup 2022: શોએબ અખ્તરે ટીમ ઈન્ડિયાને માર્યો ટોણો, હાર્દિક પંડ્યા વિશે આ શું બોલી ગયો પાક બોલર

Asia Cup 2022: પાકિસ્તાનના ભૂતપૂર્વ ફાસ્ટ બોલર શોએબ અખ્તરનું માનવું છે કે એશિયા કપ ગ્રુપ Aમાં ભારત પાકિસ્તાન સામેની મેચ હારવા માટે પૂરા પ્રયાસો કરી રહ્યું હતું.

Asia Cup 2022: પાકિસ્તાનના ભૂતપૂર્વ ફાસ્ટ બોલર શોએબ અખ્તરનું માનવું છે કે એશિયા કપ ગ્રુપ Aમાં ભારત પાકિસ્તાન સામેની મેચ હારવા માટે પૂરા પ્રયાસો કરી રહ્યું હતું પરંતુ હાર્દિક પંડ્યાના ઓલરાઉન્ડ પ્રદર્શનથી તેમને 148 રનના લક્ષ્યાંકનો પીછો કરવામાં મદદ મળી.

શોએબ અખ્તરે ટીમ ઈન્ડિયા પર કટાક્ષ કર્યો 

પંડ્યાના ઓલરાઉન્ડ પ્રદર્શને ભારતને પાકિસ્તાન સામે પાંચ વિકેટથી રોમાંચક જીત અપાવવામાં મહત્વની ભૂમિકા ભજવી હતી. તેણે સારી બોલિંગ કરતા 25 રન આપીને ત્રણ વિકેટ પણ લીધી હતી. પાકિસ્તાન 147 રનમાં ઓલઆઉટ થયા બાદ ભારત એવી સ્થિતિમાં હતું જ્યાં છેલ્લી છ ઓવરમાં 59 રનની જરૂર હતી. ત્યાંથી પંડ્યા (17 બોલમાં અણનમ 33) અને રવિન્દ્ર જાડેજા (29 બોલમાં 35)એ માત્ર 29 બોલમાં 52 રનની ભાગીદારી નોંધાવી હતી.

જાણો હાર્દિક પંડ્યા વિશે શું કહ્યું?

ભલે છેલ્લી ઓવરમાં ડાબોડી બેટ્સમેન જાડેજા આઉટ થયો ગયો પરંતુ પંડ્યાએ નવાઝની બોલ પર સિક્સ ફટકારીને ભારતને જીત અપાવી દીધી. અખ્તરે તેની યુટ્યુબ ચેનલ પર કહ્યું, 'હું ભારત અને પાકિસ્તાન બંનેને અભિનંદન આપવા માંગુ છું. બંને ટીમોએ મેચ હારવાનો પ્રયાસ કર્યો, પરંતુ ભારત જીતવામાં સફળ રહ્યું. ભારત મેચ હારી જવાનો પૂરો પ્રયાસ કરી રહ્યું હતું, પરંતુ હાર્દિક પંડ્યાએ તેમને તેમ ન કરવા દીધું.

મોહમ્મદ રિઝવાનની ટીકા કરી 

અખ્તરે ઓપનર તરીકે પાકિસ્તાનના વિકેટ કીપર બેટ્સમેન મોહમ્મદ રિઝવાનની 42 બોલમાં 43 રનની ઈનિંગની ટીકા કરી હતી. તેણે કહ્યું, તમે જ મને કહો, જો રિઝવાન 45 બોલમાં 45 રન બનાવશે તો શું કહેવું? પાકિસ્તાન જ્યારે બેટિંગ કરી રહ્યું હતું ત્યારે પ્રથમ છ ઓવરમાં 19 બોલ ખાલી કાઢ્યા હતા. જો તમે આટલા બધા વધારે ડોટ બોલ રમશો, તો તમે મુશ્કેલીમાં મુકાઈ જશો.

કોહલીએ પણ આવી જ ઈનિંગ રમી 

અખ્તરે કહ્યું, રિઝવાનને સમજવું જોઈએ કે 42 બોલમાં 43 રન બનાવવા બિલકુલ સ્વીકાર્ય નથી. વિરાટ કોહલીએ પણ આવી જ ઈનિંગ રમી હતી. પાકિસ્તાને તેમના બેટિંગ ઓર્ડરમાં પણ ગરબડ કરી અને ભારતે પણ.

આ પણ વાંચો