IND vs PAK Asia Cup 2022: ભારતની જીત પર નાચવા લાગ્યા જેઠાલાલ, હાર્દિક પંડ્યાના ફેન થયા સેલેબ્સ, જુઓ વાયરલ મીમ્સ

ભારત અને પાકિસ્તાન વચ્ચે રવિવારે રમાયેલી મેચમાં ભારતે પાંચ વિકેટે જીત મેળવી હતી

દુબઇઃ એશિયા કપ 2022માં પાકિસ્તાનને હરાવીને ટીમ ઈન્ડિયાએ મેળવેલી જીતે દેશવાસીઓને નાચવાનો મોકો આપ્યો છે. ભારત અને પાકિસ્તાન વચ્ચે રવિવારે રમાયેલી મેચમાં ભારતે પાંચ વિકેટે જીત મેળવી હતી. તમામ લોકો ભારતની જીતની શુભેચ્છા પાઠવી રહ્યા હતા. પાકિસ્તાન પર ભારતની જીત બાદ સોશિયલ મીડિયા પર અનેક મિમ્સ વાયરલ થઇ રહ્યા છે.

ભારતની જીતની ઉજવણી

હાર્દિકની શાનદાર બેટિંગના કારણે ભારતે પાકિસ્તાનને 5 વિકેટે હરાવ્યું હતું. ભારતે પાકિસ્તાનને આપેલા 148 રનના ટાર્ગેટને હાંસલ કર્યો હતો અને ગયા વર્ષે T20 વર્લ્ડ કપ દરમિયાન મળેલી હારનો બદલો લીધો હતો. ભારતની આ જીત બાદ લોકોએ ભવ્ય ઉજવણી કરી હતી. દેશના ખૂણે ખૂણે ફટાકડા ફૂટવા લાગ્યા, સેલેબ્સ પણ આનંદથી નાચવા લાગ્યા હતા. લોકો સોશિયલ મીડિયા પર ટીમ ઈન્ડિયાને અભિનંદન આપવા લાગ્યા હતા.

ભારતની જીતની ઉજવણી કરતા ફની મીમ્સ સોશિયલ મીડિયા પર વાયરલ થઈ રહ્યા છે. ક્યાંક જેઠાલાલ ખુશીથી નાચી રહ્યા છે તો ક્યાંક પાકિસ્તાનની ઝાટકણી કાઢી રહ્યા છે. ટીમ ઈન્ડિયાની આ જીત પર સેલેબ્સે પણ પ્રતિક્રિયા આપી છે. કાર્તિક આર્યન, આયુષ્માન ખુરાના, અશોક પંડિત, શરદ કેલકર, કમલ રાશિદ ખાન, અર્જુન રામપાલ સહિત ઘણા સેલેબ્સના રિએક્શન સામે આવ્યા છે.