India vs Afghanistan, Super Four, Match 5 : પાકિસ્તાન વિરુદ્ધ મેચમાં અફઘાનિસ્તાનને હાર મળતાંની સાથે જ આજની મેચ માત્ર ને માત્ર ઔપચારિક બની ગઇ છે. કેમ કે એશિયા કપ 2022ની ફાઇનલ બન્ને ટીમો નક્કી થઇ ગઇ છે, શ્રીલંકા પહેલાથી જ પોતાની બન્ને મેચો જીતીને ફાઇનલમાં પહોંચી ચૂકી હતી, જ્યારે ગઇરાત્રે પાકિસ્તાન અફઘાનિસ્તાન સામે પોતાની બન્ને મેચો જીતીને ફાઇનલમાં જગ્યા બનાવી લીધી છે. આજે ભારત અને અફઘાનિસ્તા વચ્ચે એશિયા કપની માત્ર ઔપચારિક મેચ છે.
રોહિત શર્મા (Rohit Sharma) અને મોહમ્મદ નબી (Mohammed Nabi), બન્ને ટીમો ઇચ્છશે કે આજની મેચ જીતીને વિદાય લઇએ. આજે સુપર 4ની બન્ને ટીમોની છેલ્લી મેચ છે. આજની મેચ ક્યારે ને કેટલા વાગ્યાથી ક્યાંથી જોઇ શકાશે લાઇવ, વાંચો અહીં......
ભારત -અફઘાનિસ્તાન વચ્ચેની મેચ ક્યાં રમાશે ?
આજે સુપર 4ની બન્ને ટીમોની છેલ્લી મેચ છે, જે આજે 8 સપ્ટેમ્બરે એટલે કે ગુરુવારે સાંજે 7.30 કલાકે દુબઈ ઈન્ટરનેશનલ ક્રિકેટ સ્ટેડિયમમાં રમાશે. મેચમાં ટૉસ 6.30 વાગે થશે.
લાઈવ મેચો ક્યાં જોઈ શકો છો ?
ભારત-અફઘાનિસ્તાન - આ મેચનું સ્ટાર સ્પોર્ટ્સ નેટવર્કની વિવિધ ચેનલો પર જીવંત પ્રસારણ કરવામાં આવશે. આ સાથે, જ્યાં ડીડી ફ્રી ડીશ કનેક્શન છે, ત્યાં આ મેચ ડીડી સ્પોર્ટ્સ પર લાઈવ જોઈ શકાશે. આ મેચનું લાઈવ સ્ટ્રીમિંગ પણ ઉપલબ્ધ રહેશે. આ મેચનું લાઈવ સ્ટ્રીમિંગ Disney + Hotstar એપ પર જોઈ શકાશે.
દીપક ચાહરને તક -
એક રિપોર્ટ પ્રમાણે, આજની ઔપચારિક મેચમાં દીપક ચાહરને કેપ્ટન રોહિત શર્મા તક આપી શકે છે, દીપક ચાહરની ટીમમાં એન્ટ્રી થતાં જ દીપક હુડ્ડાને બહાર બેસવુ પડશે, આ ઉપરાંત ટીમમાં વિકેટકીપર બેટ્સમેન ઋષભ પંતને પણ આજની મેચમાંથી બહાર રાખવામાં આવી શકે છે, તેના સ્થાને ફરી એકવાર અનુભવી બેટ્સમેન દિનેશ કાર્તિકને ટીમમાં સામેલ કરવામા આવશે.
બન્ને ટીમોની સંભવિત પ્લેઇંગ ઇલેવન -
ભારતીય ટીમ - રોહિત શર્મા (કેપ્ટન), કેએલ રાહુલ, વિરાટ કોહલી, સૂર્યકુમાર યાદવ, હાર્દિક પંડ્યા, દિનેશ કાર્તિક, આર.અશ્વિન, ભુવનેશ્વર કુમાર, અર્શદીપ સિંહ, યુજેવન્દ્ર ચહલ, દીપક ચાહર.
અફઘાનિસ્તાન ટીમ - હઝરતુલ્લા જજાઇ, રહમાનુલ્લાહ ગુરબાજ (વિકેટકીપર), ઇબ્રાહિમ જાદરાન, નઝીબુલ્લાહ જાદરાન, કરીમ જાનત, મોહમ્મદ નબી (કેપ્ટન), રાશિદ ખાન, અજમતુલ્લાહ ઓમરજઇ, ફરીદ અહેમદ, મુઝીબ ઉર રહેમાન, ફજલ હક ફારુકી.