બાંગ્લાદેશની ટીમને આગામી મહિને ત્રણ ટેસ્ટ મેચોની સીરીઝ રમવા શ્રીલંકા જવાનુ હતુ, તે હવે રદ્દ થઇ ગયુ છે. આ પહેલા બાંગ્લાદેશે ન્યૂઝીલેન્ડની સાથે રમાનારી બે ટેસ્ટ મેચોની સીરીઝને પણ રદ્દ કરી દીધી હતી.
આઇસીસીએ બાંગ્લાદેશના શ્રીલંકા પ્રવાસને રદ્દ કરવાની જાણકારી આપી છે. આઇસીસીએ ટ્વીટર હેન્ડલ પર લખ્યું- બાંગ્લાદેશનો આગામી મહિનાનો શ્રીલંકા પ્રવાસ સ્થગિત થઇ ગયો છે. મંગળવારે ન્યૂઝીલેન્ડનો ટેસ્ટ મેચો માટે બાંગ્લાદેશનો પ્રવાસ પણ સ્થગિત કરી દેવામાં આવ્યો છે કેમકે દક્ષિણ એશિયન દેશના ત્રણ ક્રિકેટરો તાજેતરમાં જ આ વાયરસથી સંક્રમિત નીકળ્યા હતા.
ન્યૂઝીલેન્ડને ઓગસ્ટ-સપ્ટેમ્બરમાં આઇસીસી વર્લ્ડ ટેસ્ટ ચેમ્પિયનશીપ અંતર્ગત બે ટેસ્ટ મેચોની સીરીઝ રમવા માટે બાંગ્લાદેશ જવાનુ હતુ. ગયા અઠવાડિયે બાંગ્લાદેશના પૂર્વ વનડે કેપ્ટન મુર્તજા, નજમુલ ઇસ્લામ અને નફીસ ઇકબાલને કૉવિડ-19 પૉઝિટીવ નીકળ્યા હતા.