Rajeev Shukla On IPL 2024 Venue: ભારતમાં આ વર્ષે લોકસભાની ચૂંટણી યોજાવાની છે, તો શું IPLનું આયોજન વિદેશની ધરતી પર થશે ? વાસ્તવમાં, આ પહેલા લોકસભા ચૂંટણી 2019 દરમિયાન આઈપીએલનું આયોજન ભારતમાં જ કરવામાં આવ્યું હતું, પરંતુ આઈપીએલ 2009 અને 2014નું આયોજન વિદેશી ધરતી પર કરવામાં આવ્યું હતું. IPL 2014 દુબઈમાં રમાઈ હતી. જ્યારે IPL 2009 દક્ષિણ આફ્રિકામાં યોજાઈ હતી, ત્યારે આ વખતે શું થશે ? બીસીસીઆઈના ઉપાધ્યક્ષ રાજીવ શુક્લાએ આ સવાલનો જવાબ આપ્યો છે.
અમે સરકાર સાથે વાત કરીશું...ત્યાર બાદ
BCCIના ઉપાધ્યક્ષ રાજીવ શુક્લાએ Insidesport સાથેની વાતચીતમાં જણાવ્યું હતું કે IPL 2024 સિઝન ભારતની ધરતી પર રમાશે કે વિદેશી ધરતી પર... હાલમાં આ અંગે કોઈ નિર્ણય લેવામાં આવ્યો નથી. અમે સરકાર સાથે વાત કરીશું, ત્યારબાદ આ અંગે અંતિમ નિર્ણય લેવામાં આવશે. તેમણે કહ્યું કે ભારત સરકાર સાથે અમારી વાતચીત ચાલી રહી છે. તેથી, કેન્દ્રીય ગૃહ મંત્રાલય નક્કી કરશે કે IPL 2024ની સીઝન ભારતની ધરતી પર રમાશે કે નહીં.
વુમન્સ પ્રીમિયર લીગ વેન્યુ પર રાજીવ શુક્લાએ શું કહ્યું ?
આ સિવાય રાજીવ શુક્લાએ વુમન્સ પ્રીમિયર લીગના સ્થળ અંગે પોતાના વિચારો વ્યક્ત કર્યા હતા. તેણે કહ્યું કે મહિલા પ્રીમિયર લીગની બીજી સિઝનની મેચો બેંગ્લોર અને દિલ્હીમાં રમાશે. એટલે કે, આ સિઝનમાં મેચ માત્ર 2 સ્થળો પર યોજાશે. રાજીવ શુક્લાએ કહ્યું કે વિમેન્સ પ્રીમિયર લીગની તૈયારીઓ ચાલી રહી છે. WPLની અડધી મેચ બેંગ્લોરમાં અને અડધી દિલ્હીમાં યોજાશે. એવું માનવામાં આવે છે કે IPL 2024 સીઝન 22 માર્ચથી શરૂ થઈ શકે છે. જો કે આ અંગેની સત્તાવાર માહિતી હજુ સામે આવી નથી.
જ્યારે ચૂંટણીની તારીખની જાહેરાત થશે. ત્યાં સુધી આઈપીએલના સ્થળ કે, તારીખ વિશે જાહેરાત થશે નહિ. આ બધા વચ્ચે હવે ચાહકોના મનમાં એક જ સવાલ છે કે, આઈપીએલ 2024 ક્યાં રમાશે. કારણ કે, ચૂંટણીને લઈ સુરક્ષા એક મોટો પ્રશ્ન છે. તો શું આઈપીએલ ભારત બહાર કોઈ અન્ય દેશમાં રમાશે. એતો સમય આવશે ત્યારે જ નક્કી થશે કે, આઈપીએલ ક્યાં રમાશે. IPL 2024 ક્યારે શરૂ થશે તે અંગે કંઈ સત્તાવાર માહિતી નથી. પરંતુ, એક અહેવાલ છે કે 10 ટીમો વચ્ચે રમાતી BCCIની આ T20 લીગ માર્ચના ત્રીજા સપ્તાહથી શરૂ થશે અને મે મહિનાના ત્રીજા સપ્તાહ સુધી ચાલશે.