આફ્રિકા સામેની આજની ટી20માં મેદાન પર ઉતરતાં જ ઋષભ પંતના નામે નોંધાશે મોટો રેકોર્ડ, ધોનીને પાડી દેશે પાછળ

મેચ સાંજે 7 વાગ્યાથી શરૂ થશે. મેચના એક દિવસ પહેલા જ કેએલ રાહુલ ઇજાગ્રસ્ત થઇ જતાં ભારતીય ટીમની કમાન ઋષભ પંતના હાથમાં સોંપવામા આવી છે

IND vs SA 1st T20: ભારત અને દક્ષિણ આફ્રિકા વચ્ચે આજે પાંચ ટી20 સીરીઝની (India vs South Africa T20 Series) પહેલી ટી20 (India vs South Africa 1st T20) દિલ્હીના અરુણ જેટલી સ્ટેડિયમમાં રમાશે. આ મેચ સાંજે 7 વાગ્યાથી શરૂ થશે. મેચના એક દિવસ પહેલા જ કેએલ રાહુલ ઇજાગ્રસ્ત થઇ જતાં ભારતીય ટીમની કમાન ઋષભ પંતના હાથમાં સોંપવામા આવી છે. હવે પંત માટે આ સીરીઝ એક મોટો અવસર બની શકે છે. 

ધોનીનો રેકોર્ડ તોડી દેશે પંત - 
પહેલી ટી20 માં મેદાન પર ઉતરતાંની સાથે જ ઋષભ પંત એક ખાસ રેકોર્ડ પોતાના નામે કરી લેશે. તે પૂર્વ ભારતીય કેપ્ટન મહેન્દ્ર સિંહ ધોનીનો રેકોર્ડ પણ તોડી દેશે. ટી20 ક્રિકેટમાં ઋષભ પંત ભારતનો બીજો યુવા કેપ્ટન બનશે. તે 24 વર્ષ 249 દિવસની ઉંમરમાં ટી20 એક કેપ્ટન તરીકે ડેબ્યૂ કરશે. વળી, મહેન્દ્ર સિંહ ધોનીએ 26 વર્ષ અને 68 દિવસની ઉંમરમાં ભારતીય ટીમની કમાન સંભાળી હતી. 

પંત 8મો ભારતીય કેપ્ટન -
ટી20 ફોર્મેટમાં ભારતનો સૌથી યુવા કેપ્ટન બનવાનો રેકોર્ડ સુરેશ રૈનાના નામે છે. રૈનાએ વર્ષ 2010માં 23 વર્ષ 197 દિવસની ઉંમરમાં ભારતીય ટીમની કમાન સંભાળી હતી. ઋષભ પંત (Rishabh Pant) ટી20 ક્રિકેટમાં ભારતનો 8મો કેપ્ટન બનવા જઇ રહ્યો છે. પંત પહેલા વિરેન્દ્ર સહેવાગે 1, ધોનીએ 72, રૈનાએ 3, અજિંક્યે રહાણેએ 2, વિરાટ કોહલીએએ 50, રોહિત શર્માએ 28 અને શિખર ધવને 3 ટી20 આંતરરાષ્ટ્રીય મેચોમાં ભારતીય ટીમની કેપ્ટનશીપ કરી છે.

આ પણ વાંચો.......