India vs South Africa 1st T20, Delhi Heat: ભારત અને દક્ષિણ આફ્રિકા વચ્ચે પાંચ મેચની T20 શ્રેણીની પ્રથમ મેચ આજે દિલ્હીના અરુણ જેટલી સ્ટેડિયમમાં રમાશે. જો કે, આ પહેલા ભાગ્યે જ જૂન મહિનામાં દિલ્હીમાં કોઈ આંતરરાષ્ટ્રીય મેચ રમાઈ હશે. રાજધાનીમાં હાલ આકરી ગરમી પડી રહી છે અને તેના કારણે બંને ટીમના ખેલાડીઓ પરેશાન છે.
દક્ષિણ આફ્રિકાના કેપ્ટન ટેમ્બા બાવુમાએ પણ મેચ પહેલા ગરમીને લઈને મોટું નિવેદન આપ્યું હતું. જો કે, આ દરમિયાન ભારતીય ક્રિકેટ કંટ્રોલ બોર્ડે ભારે ગરમીને જોતા મોટો નિર્ણય લીધો છે.
દિલ્હીની ગરમીથી બચવા માટે BCCIએ લીધો મોટો નિર્ણય
TOIના અહેવાલ મુજબ, દિલ્હીની ગરમીથી ખેલાડીઓને બચાવવા માટે ભારતીય ક્રિકેટ બોર્ડે મેચ દરમિયાન 10 ઓવર પછી ડ્રિંક બ્રેક લેવાનો નિર્ણય લીધો છે. આ નિર્ણય બંને ટીમના ખેલાડીઓ માટે રાહત આપનારો છે. આવી સ્થિતિમાં બંને ટીમોએ બોર્ડના આ નિર્ણયને આવકાર્યો છે. ઉલ્લેખનીય છે કે T20 મેચ દરમિયાન કોઈ બ્રેક લેવામાં આવતો નથી. પરંતુ દિલ્હીમાં ગરમીનો પારો સતત 45 ડિગ્રીની આસપાસ હોવાથી બીસીસીઆઈએ આ નિર્ણય લીધો છે.
દક્ષિણ આફ્રિકાની ટીમ દિલ્હીની ગરમીથી પરેશાન હતી
દક્ષિણ આફ્રિકાના કેપ્ટન ટેમ્બા બાવુમા દિલ્હીની ગરમીથી ઘણો પરેશાન છે. કેપ્ટન ટેમ્બા બાવુમાએ કહ્યું કે તેમની ટીમને આશા હતી કે દિલ્હીમાં ગરમી પડશે, પરંતુ તેમને આશા નહોતી કે આટલી ગરમી હશે.
બાવુમાએ કહ્યું, "અમે અપેક્ષા રાખી હતી કે અહીં ગરમી પડશે, પરંતુ ખબર ન હતી કે આટલી વધારે હશે. તે સારું છે કે મેચ રાત્રે રમાઇ રહી છે, કારણ કે આ ગરમી રાત્રે સહન કરી શકાય છે. લોકો આ દરમિયાન પોતાની સંભાળ રાખે છે.
અમદાવાદઃ PSIની ભરતી પ્રક્રિયા અંગે થયેલી પિટિશનને હાઈકોર્ટે ફગાવી, જાણો હાઈકોર્ટે શું કહ્યું
IGNOU Admission 2022: MBA અને MCA માટે પ્રવેશ પ્રક્રિયા શરૂ, આ સાઇટ પર જઈને કરાવો રજિસ્ટ્રેશન