અશીકુર રહેમાન મંગળવારે ખુલાસો કર્યો કે તે આ ખતરનાક વાયરસથી હાલ હૉસ્પીટલમાં દાખલ છે, અને સારવાર ચાલી રહી છે. સોમવારે આવેલા રિપોર્ટમાં અશીકુર રહેમાન કોરોના પૉઝિટીવ નીકળ્યા હતા.
અશીકુર રહેમાને જણાવ્યુ કે, પહેલા તો મને ખબર ના પડી, મને લાગ્યુ કે સુજી ગયેલી ટોન્સિલ છે. પણ બાદમાં મને ગળામાં દુઃખાવો થયો અને પછી તાવવા લાગ્યો હતો. પછી થોડીવારમાં છાતીમાં દુઃખાવો શરૂ થઇ ગયો હતો. હું ગભરાઇ ગયો અને ડૉક્ટરો પાસે ટેસ્ટ કરાવવા ગયો હતો, ત્યાં મને કોરોના પૉઝિટીવ હોવાની ખબર પડી હતી.
અશીકુર રહેમાન પૂર્વ ફાસ્ટ બૉલર છે, તેને 15 ફર્સ્ટ ક્લાસ મેચ અને 18 લિસ્ટ એ મેચ રમી છે. રહેમાન વર્ષ 2002માં અંડર 19 વર્લ્ડકપ ટીમમાં પણ રમી ચૂક્યો છે, પણ સીનિયર ટીમમાં તેને ક્યારેય જગ્યા મળી શકી નહીં.
33 વર્ષીય અશીકુર રહેમાન બાંગ્લાદેસ મહિલા ટીમનો આસિસ્ટન્ટ કૉચ પણ રહી ચૂક્યો છે, અને હાલ બાંગ્લાદેશ ટીમના ડેવલપમેન્ટ કૉચ તરીકેની જવાબદારી સંભાળી રહ્યો છે.