ચેન્નાઇ સુપર કિંગ્સનો ક્રિકેટર મુરલી વિજય ઇન્સ્ટાગ્રામના લાઇવ ચેટ શૉ પર આવ્યો હતો, અહીં તેને વાતચીત દરમિયાન પોતાની પર્સનલ લાઇફની કેટલીક વાતો કરી હતી. આ વાતચીત દરમિયાન તેને ખુલાસો કર્યો હતો કે તેને ઓસ્ટ્રલિયાની મહિલા ક્રિકેટ એલિસા પેરી ખુબ ગમે છે, અને તે તેની સાથે એકવાર ડિનર પર જવા પણ માંગે છે.
જ્યારે મુરલી વિજયને લાઇવ ચેટમાં પુછવામાં આવ્યુ કે તમારી સૌથી મનગમતી મહિલા ક્રિકેટર કોણ છે, અને કોની સાથે ડિનર કરવા માંગો છે ત્યારે મુરલીએ ઓસ્ટ્રેલિયાની મહિલા ક્રિકેટર એલિસા પેરીનુ નામ લીધુ હતુ. અને તેની સાથે ડિનર પર જવાની વાત કરી હતી.
મુરલીએ એલિસા પેરીની પ્રસંશા કરતા કહ્યું કે તે એકદમ સુંદર છે, અને ઓસ્ટ્રેલિયાની આક્રમક ખેલાડી હોવાની સાથે સાથે શાંત સ્વભાવની મહિલા છે.
વધુમાં મુરલીએ આ ચેટ શૉમાં કહ્યું કે ઓપનર વિરેન્દ્ર સહેવાગને વધુ પસંદ કરે છે, અને શિખર ધવન ખુબ મસ્તીભર્યા મૂડવાળો ખેલાડી છે.