GG vs DC: વૂમન્સ પ્રીમિયર લીગમાં આજે ગુજરાત જાયન્ટ્સની ટક્કર દિલ્હી કેપિટલ્સ સામે થઇ હતી, જેમાં વધુ એક મેચમાં દિલ્હી કેપિટલ્સને હારનો સામનો કરવો પડ્યો હતો, પૉઇન્ટ ટેબલ પર બીજા નંબર પર પહેલી દિલ્હીને ગુજરાતે 11 રનોથી હરાવીને આશ્ચર્ય સર્જ્યુ હતુ.
ટૉસ જીતીને બૉલિંગમાં ઉતરેલી દિલ્હી કેપિટલ્સને આ મેચમાં કંઇક ખાસ કર્યુ નહીં, ટૉસ હારીને મેદાનમાં ઉતરેલી ગુજરાતની શરૂઆત ખરાબ અને ધીમી રહી હતી, બાદમાં લૉરાએ શાનદાર ફિફ્ટી ફટકારી હતી, આ પછી એશ્લે ગાર્ડનરે આક્રમક બેટિંગ કરતાં અર્ધશતકીય ઇનિંગ રમી હતી, આ બન્નેની બેટિંગના સહારે ગુજરાતે 20 ઓવરની મેચમાં 147 રન બનાવ્યા હતા, અને દિલ્હીને જીત માટે 148 રનોનો ટાર્ગેટ આપ્યો હતો. પરંતુ દિલ્હીની ટીમ ફરી એકવાર નિષ્ફળ રહી હતી. આજની વૂમન્સ પ્રીમિયર લીગ 2023ની મેચ બ્રાબૉર્ન સ્ટેડિયમમાં રમાઇ હતી.
દિલ્હી તરફથી બેટિંગમાં મનેજાને કેપ 36 અને અરુંધતી રેડ્ડીએ 25 રનની ઇનિંગ રમી હતી, આ મેચમાં કેપ્ટન લેનિંગ કે શેફાલી વર્મા ચાલ્યા નહીં, અને બાદમાં એક પછી એક વિકેટો ધરાશાયી થતી રહી હતી. દિલ્હીની ટીમે અંતે 18.4 ઓવર રમીને ઓલઆઉટ થઇ ગઇ હતી.
દિલ્હી કેપિટલ્સની પ્લેઇંગ ઇલેવન -
મેગ લેનિંગ (કેપ્ટન), શેફાલી વર્મા, એલિસ કૈપ્સી, જેમીમા રૉડ્રિગ્ઝ, મેરિજન કેપ, જેસ જૉનાસેન, તાન્યા ભાટિયા (વિકેટકીપર), અરંધતિ રેડ્ડી, રાધા યાદવ, શિખા પાન્ડે, પૂનમ યાદવ.
ગુજરાત જાયન્ટ્સની પ્લેઇંગ ઇલેવન -
સોફિયા ડંકલે, લૉરા વૉલ્વાર્ડ્ટ, હરનીલ દેઓલ, એશ્લે ગાર્ડનર, દયાલન હેમલતા, સ્નેહ રાણા (કેપ્ટન), સુષ્મા વર્મા (વિકેટકીપર), કિમ ગર્થ, તનુજા કંવર, માનસી જોષી, અશ્વિની કુમારી.