England Cricket Team Super-8 Equation: ટી20 વર્લ્ડકપમાં ઈંગ્લેન્ડને ઓસ્ટ્રેલિયા સામે હારનો સામનો કરવો પડ્યો હતો. જૉસ બટલરની આગેવાની હેઠળની ઈંગ્લેન્ડને 36 રનના વિશાળ અંતરથી હારનો સામનો કરવો પડ્યો હતો. જો કે આ હાર બાદ ઈંગ્લેન્ડની મુશ્કેલીઓ વધી ગઈ છે. આ પહેલા સ્કૉટલેન્ડ સામેની મેચ વરસાદના કારણે ધોવાઈ ગઈ હતી. વળી, હવે ઓસ્ટ્રેલિયા સામે હારનો સામનો કરવો પડ્યો હતો. ઓસ્ટ્રેલિયા સામેની હાર બાદ ઇંગ્લેન્ડની સુપર-8 રાઉન્ડમાં પહોંચવાની આશાને મોટો ફટકો પડ્યો છે. જો કે, ઇંગ્લેન્ડ માટે સુપર-8 રાઉન્ડમાં પહોંચવાની આશા જીવંત છે, પરંતુ પરિસ્થિતિ સરળ રહેશે નહીં.
હવે જૉસ બટલરની ઇંગ્લેન્ડ માટે શું છે સમીકરણ ?
વાસ્તવમાં, જૉસ બટલરની આગેવાની હેઠળની ઇંગ્લેન્ડને સુપર-8 રાઉન્ડમાં પહોંચવા માટે તેમની બાકીની બંને મેચો જીતવી પડશે, પરંતુ આ એકલા પૂરતું નથી. આ ઉપરાંત આપણે આશા રાખવી પડશે કે સ્કૉટલેન્ડ તેની બાકીની બંને મેચ હારી જાય. આ સિવાય આગામી મેચોમાં ઈંગ્લેન્ડ નામીબિયા અને ઓમાનને હરાવે. જો આમ થશે તો ઇંગ્લેન્ડ સુપર-8 રાઉન્ડમાં પહોંચી જશે, પરંતુ જો ઇંગ્લેન્ડ નિષ્ફળ જશે તો સ્કૉટલેન્ડ સુપર-8માં રમતું જોવા મળી શકે છે. હાલ ઈંગ્લેન્ડ ગ્રુપ-બીમાં 1 પોઈન્ટ સાથે ચોથા સ્થાને છે. ઈંગ્લેન્ડ અને સ્કૉટલેન્ડ વચ્ચેની મેચ વરસાદને કારણે ધોવાઈ ગઈ હતી જ્યારે ઈંગ્લેન્ડને ઓસ્ટ્રેલિયા સામે હારનો સામનો કરવો પડ્યો હતો.
આ ગૃપમાં બાકીની ટીમોની શું છે સ્થિતિ ?
આ ગૃપમાં સ્કૉટલેન્ડ 2 મેચમાં 3 પોઈન્ટ સાથે બીજા સ્થાને છે. ઈંગ્લેન્ડ અને સ્કૉટલેન્ડ વચ્ચેની મેચ વરસાદને કારણે રદ કરવામાં આવી હતી, જ્યારે સ્કૉટલેન્ડે નામીબિયાને 5 વિકેટથી હરાવ્યું હતું. જોકે આ ગૃપમાં ઓસ્ટ્રેલિયા ટોપ પર છે. ઓસ્ટ્રેલિયાના 2 મેચમાં 4 પોઈન્ટ છે. અત્યાર સુધી આ ટીમ ઓમાન અને ઈંગ્લેન્ડને હરાવી ચૂકી છે. ઓસ્ટ્રેલિયા અને સ્કૉટલેન્ડ પછી નામિબિયા ત્રીજા સ્થાને છે. જ્યારે ઈંગ્લેન્ડ અને ઓમાન અનુક્રમે ચોથા અને પાંચમા સ્થાને છે. જો કે, પોઈન્ટ ટેબલ પરથી એ સ્પષ્ટ છે કે ઈંગ્લેન્ડ માટે આગળનો રસ્તો આસાન નહીં હોય, પરંતુ જૉસ બટલરની આગેવાની હેઠળના ઈંગ્લેન્ડ માટે ચોક્કસપણે તકો છે.