Gloucestershire Ben Wells Retirement: ખેલાડીઓ ઘણીવાર 35 વર્ષની આસપાસ ક્રિકેટની રમતમાંથી નિવૃત્તિ લઈ લે છે. પરંતુ તમને જણાવી દઈએ કે ઈંગ્લેન્ડના એક ખેલાડીએ 23 વર્ષની ઉંમરે પ્રૉફેશનલ ક્રિકેટમાંથી સંન્યાસ લેવાની જાહેરાત કરી હતી. હકીકતમાં, ગ્લૉસ્ટરશાયર તરફથી રમતા ઇંગ્લેન્ડના બેન વેલ્સને 23 વર્ષની ઉંમરમાં ક્રિકેટને અલવિદા કહેવાની ફરજ પડી હતી. વેલ્સને હૃદયની ગંભીર બિમારી હોવાનું નિદાન થયા બાદ આ મુશ્કેલ નિર્ણય લેવો પડ્યો હતો.
ટેસ્ટિંગ દરમિયાન બેન વેલ્સને એરિથમોજેનિક રાઇટ વેન્ટ્રિક્યૂલર કાર્ડિયોમાયોપેથી (ARVC) હોવાનું નિદાન થયું હતું, જેના કારણે તે ભારે વર્કઆઉટ કરવામાં અસમર્થ હતા. આ બિમારીની જાણ થતાં જ બેન વેલ્સે ક્રિકેટ છોડવાનો નિર્ણય લીધો હતો.
બેન વેલ્સના નિર્ણય અંગે ગ્લુસેસ્ટરશાયર કાઉન્ટી ક્લબે તેના માટે સોશિયલ મીડિયા પર એક પૉસ્ટ કરી, જેમાં લખ્યું, "બેન વેલ્સની પ્રૉફેશનલ ક્રિકેટમાંથી નિવૃત્તિની જાહેરાતથી ગ્લૉસ્ટરશાયર ખૂબ જ દુઃખી છે."
આગળ લખવામાં આવ્યું હતું કે, "નિયમિત તપાસ બાદ, બેન વેલ્સને હૃદયની બિમારી હોવાનું નિદાન થયું હતું અને તે રમવાનું ચાલુ રાખવામાં અસમર્થ છે. ગ્લૉસમાં દરેક વ્યક્તિ બેન વેલ્સ માટે દિલથી દુખી છે અને તેને સંપૂર્ણ સમર્થન આપે છે."
ગ્લૉસેસ્ટરશાયરના એક રિલીઝમાં બેન વેલ્સે કહ્યું: "દુર્ભાગ્યવશ, આનો અર્થ એ છે કે મારે તાત્કાલિક અસરથી વ્યાવસાયિક ક્રિકેટમાંથી નિવૃત્તિ લેવી પડશે અને આગામી અઠવાડિયામાં ડિફિબ્રિલેટર ઇમ્પ્લાન્ટ કરાવવાની જરૂર પડશે. તે ગમે તેટલું મુશ્કેલ હોય, આ તપાસે મારું જીવન બદલી નાખ્યું છે. અને હું આશા છે કે સમય જતાં હું તેને તે પ્રકાશમાં જોઈ શકીશ."
તેને વુધમાં કહ્યું - આ ઉતાર-ચઢાવનો સફર રહ્યો. 18ની ઉઁમરમાં કૉન્ટેક્ટ ના મળવાથી 21 વર્ષમાં ગ્લૉસ્ટરશાયરની સાથે મોકો મળવા સુધી. કેટલીય મોટી સર્જરીથી ડીલ કરતાં અને પોતાના પહેલા અને એકમાત્ર પ્રૉફેશનલ શતકની સાથે કેરિયરનો અંત કરવો જ હવે મારી છેલ્લી ઇનિંગ છે.
-