આઈસીસીએ મલિંગા અને ચામિંડા વાસની તસવીર શેર કરીને લખ્યું, "શ્રીલંકાના બે સર્વકાલીન મહાન ફાસ્ટ બોલર એક ફ્રેમમાં." આ તસવીરમાં ઘણા ક્રિકેટ ફેન મલિંગાને ઓળખવામાં થાપ ખાઈ ગયા હતા.
ચામિંડા વાસે 111 ટેસ્ટમાં 355 વિકેટ, 322 વન ડેમાં 400 વિકેટ અને 6 ટી20માં 6 વિકેટ લીધી છે. ટેસ્ટમાં તેણે 5 વિકેટ 12 વખત લીધી છે અને સર્વશ્રેષ્ઠ પ્રદર્શન 71 રનમાં 7 વિકેટ છે. જ્યારે વન ડેમાં 5 વિકેટ ચાર વખત લીધી છે. વન ડેમાં તેનો સર્વશ્રેષ્ઠ દેખાવ 19 રનમાં 8 વિકેટ છે. જ્યારે ટી-20માં 14 રનમાં 2 વિકેટ ચામિંડા વાસનો સર્વશ્રેષ્ઠ દેખાવ છે.
લસિથ મલિંગા 30 ટેસ્ટમાં 101 વિકેટ, 226 વન ડેમાં 338 વિકેટ અને 84 ટી-20માં 107 વિકેટ લઈ ચુક્યો છે. હાલ મલિંગાની ગણના ક્રિકેટના વિશ્વના સૌથી ખતરનાક બોલર પૈકીના એકમાં થાય છે.