ICC T20 Rankings: ઇન્ટરનેશનલ ક્રિકેટ કાઉન્સિલની T20 રેન્કિંગમાં મોટો ફેરફાર થયો છે. પાકિસ્તાનનો સ્ટાર ખેલાડી મોહમ્મદ રિઝવાન ICC T20 રેન્કિંગમાં નંબર વન બેટ્સમેન બની ગયો છે. રિઝવાને પોતાની જ ટીમના કેપ્ટન બાબર આઝમને પાછળ છોડીને આ સ્થાન હાંસલ કર્યું હતું. તાજેતરની રેન્કિંગમાં ભારતના સૂર્યકુમાર યાદવને પણ નુકસાન થયું છે.
પાકિસ્તાનનો કેપ્ટન બાબર આઝમ 1000 દિવસથી વધુ સમય સુધી T20 રેન્કિંગમાં નંબર વન બેટ્સમેન રહ્યો છે. પરંતુ T20 ઇન્ટરનેશનલની છેલ્લી 10 ઇનિંગ્સમાં બાબર આઝમ માત્ર બે અડધી સદી ફટકારી શક્યો હતો. એશિયા કપની ત્રણ ઇનિંગ્સમાં બાબર આઝમનું પ્રદર્શન ખરાબ રહ્યું છે. ખરાબ પ્રદર્શનનું બાબર આઝમને નુકસાન થયું છે. T20 રેન્કિંગમાં તેની બાદશાહત ખત્મ થઇ ગઇ છે.
બીજી તરફ એશિયા કપમાં મોહમ્મદ રિઝવાને શાનદાર રમત બતાવી છે. રિઝવાને એશિયા કપની ત્રણ ઇનિંગ્સમાં 192 રન બનાવ્યા છે. રિઝવાને હોંગકોંગ સામે અણનમ 78 રન બનાવ્યા હતા. આ પછી રિઝવાને ભારત સામે 71 રન બનાવ્યા અને પોતાની ટીમ માટે ફાઇનલમાં સ્થાન નિશ્વિત કર્યું છે. રિઝવાનને પણ રેન્કિંગમાં આ ઇનિંગ્સનો ફાયદો થયો અને તે T20 રેન્કિંગમાં નંબર વન ખેલાડી બની ગયો હતો.
રોહિત શર્માને ફાયદો થયો
રિઝવાન પાકિસ્તાનનો ત્રીજો ખેલાડી છે જે T20 રેન્કિંગમાં નંબર વનનું સ્થાન હાંસલ કરવામાં સફળ રહ્યો છે. આ પહેલા મિસ્બાહ-ઉલ-હક અને બાબર આઝમ T20 રેન્કિંગમાં નંબર વન બેટ્સમેન રહી ચૂક્યા છે. બાબર આઝમ 1155 દિવસ સુધી T20 રેન્કિંગમાં નંબર વન બેટ્સમેન રહ્યો હતો.
ભારતનો સૂર્યકુમાર યાદવ એશિયા કપની ચાર ઇનિંગ્સમાં માત્ર એક જ અડધી સદી ફટકારી શક્યો હતો, તેથી તે અગાઉની જેમ 4 નંબર પર યથાવત છે. દક્ષિણ આફ્રિકાનો માર્કરામ ત્રીજા નંબર પર યથાવત છે. ઈંગ્લેન્ડનો ડેવિડ મલાન પહેલાની જેમ પાંચમા નંબર પર યથાવત છે. ટીમ ઈન્ડિયાના કેપ્ટન રોહિત શર્માને ત્રણ સ્થાનનો ફાયદો થયો છે અને તે 14માં સ્થાને પહોંચી ગયો છે.