30 રનમાં જ ગુમાવી 3 વિકેટ
એક સમયે ઇંગ્લેન્ડે 30 રન સુધીમાં જ ટોચના ત્રણ બેટ્સમેનોની વિકેટ ગુમાવી દીધી હતી ત્યારે ધબડકો થશે તેમ લાગતું હતું. પરંતુ તે પછી ઈંગ્લેન્ડના બેટ્સમેનોએ મક્કમ બેટિંગ કરી હતી અને વિકેટ ગુમાવી નહોતી. અક્ષર પટેલે બે અને મોહમ્મદ સિરાજે એક વિકેટ લીધી હતી.
બંને ટીમોએ કર્યા ફેરફાર
ભારતીય ટીમમાં બુમરાહના બદલે સિરાજનો સમાવેશ કરવામાં આવ્યો હતો. ઇંગ્લેન્ડે સ્પિન ફ્રેન્ડલી વિકેટ પર બે ફાસ્ટરને બહાર બેસાડી એક સ્પિનરનો સમાવેશ કર્યો છે. તેમજ સ્પિન સામે સંઘર્ષ કરતી બેટિંગ લાઈનઅપને મજબૂત કરવા એક્સ્ટ્રા બેટ્સમેન સાથે રમી રમી રહી છે. આર્ચર અને બ્રોડને બહાર કરીને તેના સ્થાને ડોમ બેસ અને ડેન લોરેન્સને સ્થાન આપ્યું છે.
ભારતીય ટીમઃ રોહિત શર્મા, શુભમન ગિલ, ચેતેશ્વર પૂજારા, વિરાટ કોહલી (કપ્તાન), અજિંક્ય રહાણે, વી. સુંદર, અક્ષર પટેલ, રવિચંદ્રન અશ્વિન, ઇશાંત શર્મા અને મોહમ્મદ સિરાજ.
ઈંગ્લેન્ડની ટીમ: ડોમ સિબલે, ઝેક ક્રોલે, જોની બેરસ્ટો, જો રૂટ (કપ્તાન), બેન સ્ટોક્સ, ઓલી પૉપ, બેન ફોક્સ (વિકેટકીપર), ડેનિયલ લોરેન્સ, ડોમ બેસ, જેક લિચ, જેમ્સ એન્ડરસન