બીસીસીઆઇએ શનિવારે એક વીડિયો પૉસ્ટ કર્યો છે, જેમાં અંજિક્યે રહાણે કહી રહ્યો છે કે તમારા માટે આ ખુબ મુશ્કેલ રહ્યં, તું ત્યારે એકપણ મેચ ના રમ્યો, પરંતુ તારો વ્યવહાર ખુબ સારો હતો. હવે અમે ભારત જઇ રહ્યાં છીએ, તારો સમય આવશે, એટલા માટે સખત મહેનત કરતો રહે.
આ પહેલા શુક્રવારે ભારતના બૉલિંગ કૉચ ભરત અરુણે પણ કહ્યું કે કુલદીપ ભારતમાં રમશે. અરુણનો વીડિયો પણ બીસીસીઆઇએ ટ્વીટર પર પૉસ્ટ કર્યો હતો. તેને કહ્યુ કે કુલદીપ ઓસ્ટ્રેલિયામાં એટલા માટે ન હતો રમ્યો કેમકે ટીમ મેનેજમેન્ટના હિસાબથી ખેલાડી સિલેક્શનની રણનીતિ બનાવવામાં આવી હતી. તેમને કહ્યું - જો તે નથી રમ્યો તો ઠીક છે, તે સખત મહેનત કરી રહ્યો છે, તે શાનદાર છે.
તેમને કહ્યું કે અમે પીચ પ્રમાણે ખેલાડી પસંદ કરવાની રણનીતિ અપનાવી હતી. ધ્યાન રાખો કુલદીપને જ્યારે રમવાનો મોકો મળશે, તો તે બતાવી દેશે કે તે શું કરી શકે છે. ભારતમા જ્યારે અમે ચાર ટેસ્ટ મેચ રમીશુ ત્યારે તેને સમય આવશે. કુલદીપ જ્યારે પણ ભારત માટે રમ્યો, તેને શાનદાર કામ કર્યુ. ટી20 મેચમાં તેનો મોકો મળ્યો હતો, તેને બેસ્ટ બૉલિંગ કરી હતી. આ ટીમનો દરેક ખેલાડી જાણે છે તેનો સમય આવશે.