અંડર 19 વર્લ્ડકપની ફાઈનલમાં ભારતની ઈંગ્લેન્ડ સામે ટક્કર, જાણો ક્યારે છે ફાઈનલ ને ક્યાં થશે લાઈવ ટેલીકાસ્ટ ?

ધુલની સાથે મેચમાં શેખ રશીદે પણ ઉપયોગી 94 રન ફટકાર્યા હતા. ભારતીય ટીમે આ ટૂર્નામેન્ટની ટાઈટલ મેચમાં સતત ચોથી અને એકંદરે 8મી વાર પ્રવેશ કર્યો છે. 

U-19, IND vs AUS, અંડર 19 વર્લ્ડકપની સેમિફાઇનલ મેચમાં ભારતીય ટીમે ફરી એકવાર દમદાર પ્રદર્શન કર્યુ છે, ટીમ ઇન્ડિયાએ કાંગારુ ટીમને 96 રનથી માત આપીને ફાઇનલમાં પ્રવેશ મેળવી લીધો છે, હવે ભારતીય ટીમની ફાઇનલમાં ઇંગ્લિશ ટીમ સામે ખિતાબી ટક્કર થશે આ મેચમાં ભારતીય કેપ્ટનનું શાનદાર ફોર્મ જોવા મળ્યુ, મેચમાં જીતના હીરો કેપ્ટન યશ ધુલ (110 રન) રહ્યો, ધુલને પ્લેયર ઓફ ધ મેચ જાહેર કરવામાં આવ્યો હતો. ધુલની સાથે મેચમાં શેખ રશીદે પણ ઉપયોગી 94 રન ફટકાર્યા હતા. ભારતીય ટીમે આ ટૂર્નામેન્ટની ટાઈટલ મેચમાં સતત ચોથી અને એકંદરે 8મી વાર પ્રવેશ કર્યો છે. 

ભારત અને ઇંગ્લેન્ડ વચ્ચે આગામી 5મી ફેબ્રુઆરીએ અંડર 19 વર્લ્ડકપની ફાઇનલ મેચ રમાશે, બન્ને ટીમો આ ખિતાબી જંગ માટે તૈયાર છે. એકબાજુ ઇંગ્લેન્ડ ટીમ 24 વર્ષમાં પહેલીવાર અંડર 19 વર્લ્ડકપની ફાઇનલમાં પહોંચ્યુ છે, ઇંગ્લિશ ટીમે અફઘાનિસ્તાનને સેમિ ફાઇનલમાં હારવીને ફાઇનલમાં પ્રવેશ કર્યો છે, તો બીજીબાજુ ટીમ ઇન્ડિયાએ શાનદાર ફોર્મ બતાવતા કાંગારુ ટીમને માત આપી છે. ઓસ્ટ્રેલિયન ટીમને 96 રનથી સેમિ ફાઇનલમાં હારવીને ભારતીય ટીમે અંડર 19 વર્લ્ડકપની ફાઇનલમાં પ્રવેશ મેળવી લીધો છે. 

ભારત અને ઇંગ્લેન્ડ વચ્ચે 5મી ફેબ્રુઆરીએ સાંજે 6.30 વાગે શરૂ થશે, ટૉસ સાંજે 6 વાગે થશે. 

ભારત અને ઇંગ્લેન્ડ વચ્ચેની મેચ એન્ટીગુઆ, નોર્થ સાઉન્ડના સર વિવિયન રિચાર્ડ્સ ક્રિકેટ સ્ટેડિયમમાં રમાશે. બન્ને ટીમો આ માટે તૈયાર છે. 

જો તમે મેચ જોવા માંગતા હોય તો, મેચનુ લાઇવ ટેલિકાસ્ટ સ્ટાર સ્પોર્ટ્સ નેટવર્કની ચેનલ પરથી કરવામાં આવશે. મેચનુ લાઇવ સ્ટ્રીમિંગ તમે મોબાઇલ એપ હૉટસ્ટાર પરથી જોઇ શકાશે. 

મેચની વાત કરીએ તો ભારતીય ટીમે કેપ્ટન યશ ધુલની (110) સદી અને શેખ રશીદની 94 રનની ઈનિંગને કારણે 50 ઓવરમાં 290 રન કર્યા હતા. જેના જવાબમાં ઓસ્ટ્રેલિયન ટીમ માત્રે 41.5 ઓવરમાં 194 રનમાં સમેટાઈ ગઇ હતી. આ સાથે જ ભારતીય ટીમે જીતનો ઝંડો લહેરાવી દીધો હતો. કાંગારુ ટીમનાં લચલાન શોએ સૌથી વધુ 51 રન કર્યા હતા. જ્યારે વિકી ઓસ્તવાલે ત્રણ વિકેટ ઝડપી હતી.

ભારતીય ટીમ- હરનૂર સિંહ, અંગક્રિશ રઘુવંશી, શેખ રાશીદ, યશ ધુલ, નિશાંત સંધૂ, રાજ બાવા, કૌશલ તાંબે, દિનેશ બાવા (વિકેટકીપર), રાજવર્ધન હંગરગેકર, વિક્કી ઓસ્તવાલ, રવિ કુમાર

-- ---

આ પણ વાંચો........