IND-W vs WI-W: ટીમ ઈન્ડિયાએ ફરી ઈતિહાસ રચ્યો, 7 વર્ષ બાદ કર્યું આ મોટુ કારનામુ

ભારતીય મહિલા ટીમ અને વેસ્ટ ઈન્ડિઝની મહિલા ટીમ વચ્ચે ત્રણ મેચની ODI શ્રેણી રમાઈ રહી છે. ટીમ ઈન્ડિયાએ આ શ્રેણીની પ્રથમ મેચ જીતી હતી.

IND-W vs WI-W: ભારતીય મહિલા ટીમ અને વેસ્ટ ઈન્ડિઝની મહિલા ટીમ વચ્ચે ત્રણ મેચની ODI શ્રેણી રમાઈ રહી છે. ટીમ ઈન્ડિયાએ આ શ્રેણીની પ્રથમ મેચ જીતી હતી. શ્રેણીની બીજી મેચમાં ભારતીય ટીમે પ્રથમ બેટિંગ કરીને મોટો રેકોર્ડ બનાવ્યો હતો. ટીમ ઈન્ડિયાએ સાત વર્ષ બાદ એક ખાસ રેકોર્ડ બનાવ્યો છે. 

આ રેકોર્ડ શું છે ?

બંને ટીમો વચ્ચે રમાઈ રહેલી આ મેચમાં ટીમ ઈન્ડિયાની કેપ્ટન હરમનપ્રીત કૌરે ટોસ જીતીને પહેલા બેટિંગ કરવાનો નિર્ણય કર્યો હતો. જે બાદ ટીમ ઈન્ડિયા પ્રથમ બેટિંગ કરવા મેદાનમાં આવી અને ભારતીય ટીમે 5 વિકેટ ગુમાવીને 50 ઓવરમાં 358 રન બનાવ્યા. ODI ક્રિકેટમાં ટીમ ઈન્ડિયાનો આ સૌથી મોટો સ્કોર છે. આ પહેલા ભારતીય મહિલા ટીમે 2017માં આયર્લેન્ડ સામે રમાયેલી ODI મેચમાં માત્ર 358 રન બનાવ્યા હતા. ટીમ ઈન્ડિયાએ સાત વર્ષ બાદ ફરી એકવાર પોતાના જ રેકોર્ડની બરાબરી કરી છે. યુવા સ્ટાર હરલીન દેઓલે વેસ્ટ ઈન્ડિઝ સામે રમાઈ રહેલી બીજી વનડે મેચમાં શાનદાર સદી ફટકારી હતી.  માત્ર 98 બોલમાં પોતાની સદી પૂરી કરી હતી.     

1 358/2 વિ આયર્લેન્ડ મહિલા (2017)
2 358/5 વિ વેસ્ટ ઈન્ડિઝ મહિલા (2024)
3 333/5 વિ ઈંગ્લેન્ડ મહિલા (વર્ષ 2022)
4 325/3 વિ દક્ષિણ આફ્રિકા મહિલા (વર્ષ 2024)
5 317/8 વિ વેસ્ટ ઈન્ડિઝ મહિલા (2022)

આ ખેલાડીએ સદી ફટકારી હતી

ટીમ ઈન્ડિયાની યુવા સ્ટાર હરલીન દેઓલે વેસ્ટ ઈન્ડિઝ સામે રમાઈ રહેલી બીજી વનડે મેચમાં શાનદાર સદી ફટકારી છે. આ તેની આંતરરાષ્ટ્રીય ક્રિકેટમાં પ્રથમ સદી છે. તેણે માત્ર 98 બોલમાં પોતાની સદી પૂરી કરી હતી. આ મેચમાં હરલીન બેટિંગ કરવા આવી ત્યારે ટીમ ઈન્ડિયાએ 110 રનના સ્કોર પર પોતાની પ્રથમ વિકેટ ગુમાવી હતી. આ પછી તેની શાનદાર બેટિંગના કારણે ભારતે 300 રનનો આંકડો પાર કર્યો. તે સદી ફટકારીને આઉટ થઈ ગઈ હતી. તેણે પોતાની ઇનિંગ દરમિયાન 103 બોલમાં 115 રન બનાવ્યા હતા. તેની શાનદાર સદીના કારણે ટીમ આ વિશાળ સ્કોર સુધી પહોંચી શકી હતી.