બીજી ટેસ્ટમાં ટીમ ઇન્ડિયામાં બે ફેરફારો નક્કી છે. કેપ્ટન વિરાટ કોહલી પત્ની અનુષ્કા જાન્યુઆરીમાં બાળકને જન્મ આપવાની છે તેથી કોહલી ભારત પરત ફરવાનો છે. સ્ટાર બૉલર મોહમ્મદ શમી ઇજાગ્રસ્ત થયો છે, જેથી આ બે સ્ટાર બૉક્સિંગ ડે ટેસ્ટ નહીં રમે. આ ઉપરાંત પહેલી ટેસ્ટમાં ઓપનર તરીકે નિષ્ફળ જનારા પૃથ્વી શૉ અને વિકેટકીપર રિધ્ધિમાન સહાને પણ બીજી ટેસ્ટમાં તક નહીં મળે એ નક્કી છે. જાડેજાને શમીના સ્થાને તક મળી શકે છે તેથી ભારતીય ટીમમાં કુલ ચાર નવા ખેલાડી આવશે. એક શક્યતા એવી છે કે, હનુમા વિહારીની જગ્યાએ ઓલરાઉન્ડર રવિન્દ્ર જાડેજાને પણ ટીમમાં સામેલ કરવામાં આવી શકે છે. વિહારીની જગાએ જાડેજા રમશે તો ટીમમાં પાંચ નવા ખેલાડી હશે. કોહલી, શમી, સહા, શો અને વિહારી એ પાંચ ક્રિકેટરોના સ્થાને નવા ખેલાડી આવે એવી શક્યતા છે.
ઇજાગ્રસ્ત જાડેજાની ફિટનેસને અંગે હજુ સુધી કોઇ અપડેટ આવ્યુ નથી પણ બૉક્સિંગ ડે ટેસ્ટમાં ટીમ મેનેજમેન્ટ મોટા ફેરફારો કરશે એ નક્કી છે.