Shakib Wearing Messi Jersey: FIFA વર્લ્ડ કપ 2022માં આર્જેન્ટિનાએ ફ્રાંસને હરાવીને વર્લ્ડ ચેમ્પિયન બન્યું હતું. સ્ટાર ફુટબોલર લિયોનલ મેસ્સીએ શાનદાર પ્રદર્શન કરીને પોતાની ટીમને જીત અપાવામાં મહત્વનું યોગદાન આપ્યું હતું. આ જીત બાદ સમગ્ર દુનિયામાં મેસ્સીના ચાહકોએ શાનદાર ઉજવણી કરી હતી.
મેસ્સીની જર્સી પહેરી કાર લઈને નિકળી પડ્યો શાકિબઃ
મેસ્સીના શાનદાર પ્રદર્શનની ઉજવણી કરવામાં બાંગ્લાદેશ ક્રિકેટ ટીમનો કેપ્ટન શાકિબ અલ હસન પણ હતો. શાકિબે પોતાના ફેવરીટ ફુટબોલર લિયોનલ મેસ્સીના નામની જર્સી પહેરી હતી. આર્જેન્ટિનાએ ફ્રાંસને હરાવ્યા બાદ તરત જ, મેસ્સીની જર્સી પહેરીને શાકિબ કાર લઈને ઢાકાની રસ્તાઓ પર કાર લઈને નિકળી પડ્યો હતો. સાકિબનો આ વીડિયો સોશિયલ મીડિયામાં ખુબ વાયરલ પણ થયો હતો.
મેદાન પર મેસ્સીની જર્સીમાં શાકિબઃ
શાકિબ અલ હસનના આ વીડિયો બાદ ફરીથી તેનો મેસ્સી પ્રેમ ક્રિકેટના મેદાનમાં પણ જોવા મળ્યો હતો. શાકિબ અલ હસન ભારત સામે બીજી ટેસ્ટ મેચ રમવાનો છે. ત્યારે આ ટેસ્ટ મેચ પહેલાં શાકિબે આર્જેન્ટિનાની ફુટબોલ ટીમની અને ખાસ મેસ્સીના 10 નંબરની મેસ્સીનું નામ લખેલી જર્સી પહેરીને મેદાન પર પ્રેક્ટિસ કરી હતી. શાકિબ અલ હસન પોતાના પ્રિય ફુટબોલર મેસ્સીની યાદગાર જીતને સતત બિરદાવી રહ્યો છે. મેસ્સીની જર્સીમાં પ્રક્ટિસ કરતા શાકિબનો આ ફોટો હાલ સોશિયલ મીડિયા પર ખુબ પસંદ કરવામાં આવી રહ્યો છે.
આ પણ વાંચો...