Live Streaming U19 Women’s T20 World Cup Final: આઇસીસી અંડર 19 મહિલા ટી20 વર્લ્ડકપ 2023ની આજે ફાઇનલ મેચ રમાશે. આ મેચમાં ભારતીય મહિલા અને ઇંગ્લેન્ડની મહિલા ટીમો સાઉથ આફ્રિકામાં આમને સામને ટકરાશે. આજે શેફાલી વર્મા ઇતિહાસ રચીને ટીમ ઇન્ડિયાને પહેલો વર્લ્ડકપ જીતાડવાનો પ્રયાસ કરશે.
ખાસ વાત છે કે, ભારતીય મહિલા ટીમે ક્રિકેટમાં ખુબ સિદ્ધિઓ હાંસલ કરી છે. જૂનીયર હોય કે સીનિયર મહિલા ક્રિકેટ ટીમે તમામ ફોર્મેટમાં પોતાનો દબદબો કાયમ કર્યો છે. આજે ફરી એકવાર ખિતાબી ટક્કર માટે મહિલા ટીમ મેદાનમાં ઉતરશે. જો જીતશે તે આ વર્ષનો ભારતને પહેલો ક્રિકેટ વર્લ્ડકપ મળશે. આ પહેલા જાણો આજની ફાઇનલ મેચ ક્યાંથી ને કેવી રીતે કેટલા વાગ્યાથી જોઇ શકાશે લાઇવ.....
અંડર 19 મહિલા ટી20 વર્લ્ડકપ લાઇવ ટેલિકાસ્ટની ડિટેલ્સ -
ભારત અને ઇંગ્લેન્ડ વચ્ચે અંડર 19 મહિલા ટી20 વર્લ્ડકપ 2023ની ફાઇનલ મેચ ક્યારે ને ક્યાં રમાશે ?
ભારત અને ઇંગ્લેન્ડ વચ્ચે અંડર 19 મહિલા ટી20 વર્લ્ડકપ 2023ની ફાઇનલ મેચ રવિવારે, 29 જાન્યુઆરી, 2023એ, સાઉથ આફ્રિકાના પૉચેફસ્ટૂમ સ્થિતે સેનવેસ પાર્ક (Senwes Park, Potchefstroom)માં રમાશે.
ભારત અને ઇંગ્લેન્ડ વચ્ચે અંડર 19 મહિલા ટી20 વર્લ્ડકપની ફાઇનલ મેચ કેટલા વાગ્યાથી શરૂ થશે ?
ભારત અને ઇંગ્લેન્ડ વચ્ચે અંડર 19 મહિલા ટી20 વર્લ્ડકપ 2023ની ફાઇનલ મેચ ભારતીય સમયાનુસાર સાંજે 5 વાગીને 15 મિનીટે શરૂ થશે.
ભારત-ઇંગ્લેન્ડ, અંડર 19 મહિલા ટી20 વર્લ્ડકપ 2023ની ફાઇનલ મેચ ક્યાંથી જોઇ શકાશે લાઇવ ?
ભારત અને ઇંગ્લેન્ડ વચ્ચે અંડર 19 મહિલા ટી20 વર્લ્ડકપ 2023ની ફાઇનલ મેચ તમે સ્ટાર સ્પૉર્ટ્સ નેટવર્કની ચેનલો (Star Sports Network) પરથી લાઇવ જોઇ શકો છો. આ ઉપરાંત તમે ફાઇનલ મેચનું લાઇવ સ્ટ્રીમિંગ ફેનકોડ એપ પરથી જોઇ શકો છો.