અમદાવાદઃ ટેસ્ટ સીરીઝમાં ઇંગ્લેન્ડને ધૂળ ચટાડ્યા બાદ હવે ટીમ ઇન્ડિયા ટી20 સીરિઝમાં ધૂમ મચાવાવની તૈયારી કરી રહી છે. આવતીકાલથી અમદાવાદના નરેન્દ્ર મોદી સ્ટેડિયમમાં બંને ટીમો વચ્ચે પાંચ મેચની ટી20 સીરિઝ રમાશે. ભારત જ્યાં પોતાની જીતનો ક્રમ આગળ વધારવા સાથે રમશે તો ઇંગ્લેન્ડની નજર ટેસ્ટ સીરિઝમાં મળેલ હારનો બદલો લેવાની હશે.
ટી20 સીરિઝમાં દર્શકોને સ્ટેડિયમમાં જવાની મંજૂરી મળી છે. કહેવાય છે કે, પ્રથમ ટી20માં મોટી સંખઅયામાં દર્શકો આવી શકે છે. આ મેચની ટીકિટ Bookmyshow વેબસાઈટ અને એપથી ખરીદી શકાય છે. ટિકિટની કિંમત 500થી 10 હજાર રૂપિયાની વચ્ચે છે.
કઈ ચેનલ પરથી મફતમાં જોઈ શકાશે મેચ
ભારતીય સમય મુજબ સાંજે 7 કલાકે મેચ શરૂ થશે. 6.30 કલાકે ટોસ થશે. ટેસ્ટ મેચનું લાઇવ ટેલિકાસ્ટ સ્ટાર સ્પોર્ટ્સ નેટવર્ક પરથી થશે. જ્યારે ઓનલાઈન સ્ટ્રીમિગ હોટસ્ટાર નેટવર્કથી જોઈ શકાશે. જે લોકોના ઘરે ચેનલ ન હોય તેઓ દૂરદર્શન પરથી ફ્રીમાં મેચ નીહાળી શકશે.
ભારતીય ટીમઃ વિરાટ કોહલી (કેપ્ટન), રોહિત શર્મા (વાઈસ કેપ્ટન), કેએલ રાહુલ, શિખર ધવન, શ્રેયસ અય્યર, સૂર્યકુમાર યાદવ, હાર્દિક પંડ્યા, રિષભ પંત (વિકેટકીપર), ઈશાન કિશન (વિકેટકીપર), યુજવેન્દ્ર ચહલ, ટી નટરાજન, ભુવનેશ્વર કુમાર, દીપક ચાહર, નવદીર સૈની, શાર્દુલ ઠાકુર, વરૂણ ચક્રવર્તી, અક્ષર પટેલ, રાહુલ તીવેટિયા અને વોશિંગ્ટન સુંદર.
ટી20 સીરીઝનો કાર્યક્રમ
પ્રથમ ટી20- 12 માર્ચ, સાંજે 7 કલાકે
બીજી ટી20- 14 માર્ચ, સાંજે 7 કલાકે
ત્રીજી ટી20- 16 માર્ચ, સાંજે 7 કલાકે
ચોથી ટી20- 18 માર્ચ, સાંજે 7 કલાકે
પાંચમી ટી20- 20 માર્ચ, સાંજે 7 કલાકે