India vs England 3rd ODI: ટીમ ઈન્ડિયાએ (Team India) ઈંગ્લેન્ડ સામેની ત્રણ વનડે સીરીઝની અંતિમ મેચમાં ઈંગ્લેન્ડને 7 રને હરાવ્યું હતું. જેની સાથે ભારતે ત્રણ મેચની સીરીઝ 2-1થી જીતી હતી. ખૂબ જ રોમાંચક મુકાબલામાં ટીમ ઈન્ડિયા બાજી મારવામાં સફળ થયું હતું.
ઈંગ્લેન્ડને (England Tour of India 2021) અંતિમ ઓવરમાં જીત માટે 14 રનની જરૂર હતી. પરંતુ નટરાજને શાનદાર બોલિંગ કરતા માત્ર 6 રન આપ્યા હતા. સેમ કરન (Sam Curran) 95 રન બનાવી નોટાઆઉટ રહ્યો હતો. સેમ કરન શાનદાર ઈનિંગ રમવા છતા ટીમને જીત ન અપાવી શક્યો નહોતો.ભારત માટે શાર્દુલ ઠાકુરે (Shardul Tahkur) 4, ભુવનેશ્વર કુમારે 3 અને ટી. નટરાજને ( T Natrajan) 1 વિકેટ લીધી હતી.
એક સમયે ઈંગ્લેન્ડનો સ્કોર 7 વિકેટના નુકસાન પર 200 રન થઈ ગયો હતો. પરંતુ ત્યાંથી સેમ કરને પહેલા આદિલ રાશિદ અને બાદમાં માર્ક વુડ સાથે મળીને ભારતીય ટીમને પરસેવો પડાવ્યો હતો. સેમ કરન આઈપીએલમાં (IPL 2020) ગત સીઝનમાં ચેન્નઈ સુપર કિંગ્સ (Chennai Super Kings) તરફથી રમ્યો હતો. ધોનીએ (MS Dhoni) તેની ઓલરાઉન્ડ ક્ષમતાનો પૂરો ઉપયોગ કર્યો હતો અને ઓપનિંગ પણ કરાવ્યું હતું. તેણે આ મેચમાં ભારતને હંફાવવા ધોનીની જ રણનીતિ અપનાવી હતી. પણ ધોની જેવો ફિનિશિંગ કમાલ કરી શક્યો નહોતો. તે સિંગલ લેવાના બદલે બાઉન્ડ્રી કે ડબલ રન પર જ વધારે ધ્યાન આપતો હતો. જે બાદ તેની આ વ્યૂહરચનાની ધોની સાથે સરખામણી થઈ હતી.
આ પહેલા મેચમાં ભારતે પ્રથમ બેટિંગ કરતા 48.2 ઓવરમાં 329 રનમાં ઓલઆઉટ થયું હતું. ઋષભ પંત (Rishabh Pant) અને હાર્દિક પંડ્યાએ (Hardik Pandya) અડધી સદી ફટકારી ટીમને સારા સ્કોર સુધી પહોંચાડવામાં મહત્ત્વની ભૂમિકા ભજવી હતી. પંતે 78 રન બનાવ્યા હતા અને હાર્દિકે 64 રનની ઈનિંગ રમી હતી. આ સિવાય શિખર ધવને (Shikhar Dhawan) 67 રન બનાવ્યા હતા. ઈંગ્લેન્ડ માટે માર્ક વુડે સૌથી વધુ 3 વિકેટ ઝડપી હતી. આદિલ રાશિદે 2, જ્યારે લિયમ લિવિંગ્સ્ટોન, રીસ ટોપ્લે, બેન સ્ટોક્સ, સેમ કરન અને મોઇન અલીએ 1-1 વિકેટ ઝડપી હતી.