ભારત અને ન્યૂઝીલેન્ડ વચ્ચે ત્રણ મેચોની વનડે સીરીઝની આજે ત્રીજી વનડે રમાઇ હતી, ટૉસ હારીને પ્રથમ બેટિંગ કરવા ઉતરેલી ભારતીય ટીમે 50 ઓવરમાં 296 રન બનાવ્યા હતા. કેએલ રાહુલે શાનદાર સદી ફટકારી હતી. ત્રીજી અને અંતિમ વનડેમાં કિવી ટીમને જીતવા માટે ટીમ ઇન્ડિયાએ 297 રનનો ટાર્ગેટ આપ્યો હતો, જેને 47.1 ઓવરમાં 5 વિકેટ ગુમાવીને હાંસલ કર્યો હતો.
ભારત તરફથી સૌથી વધુ કેએલ રાહુલે 112 રન, શ્રેયસ અય્યર 62, મનિષ પાંડે 42 અને પૃથ્વી શૉએ 40 રનની ઉપયોગી ઇનિંગ રમી હતી. જોકે ફરી એકવાર કેપ્ટન કોહલી નિષ્ફળ રહ્યો હતો.
કિવી ટીમ તરફથી હેમિશ બેન્નેટે સૌથી વધુ 4 વિકેટ ઝડપી હતી, જ્યારે જેમિસન અને નીશામને 1-1 વિકેટ મળી હતી.
32મી ઓવર... બેનેટના પાંચમાં બૉલ પર બે રન લઇને રાહુલે પોતાનુ અર્ધશતક પુરુ કર્યુ હતુ, તેને 66 બૉલમાં પાંચ ચોગ્ગા ફટકાર્યા હતા, રાહુલે આ સીરીઝમાં બીજી ફિફ્ટી બનાવી છે.
26મી ઓવર.... જેમીસનને ચોથા અને પાંચમાં સળંગ બે બૉલ પર બે ચોગ્ગા ફટકારીને પોતાની ફિફ્ટી પુરી કરી હતી. અય્યરે 52 બૉલમાં આઠ ચોગ્ગા ફટકાર્યા હતા.
ભારતને પ્રથમ ઝટકો મયંકનો લાગ્યો છે, ઓપનર મયંક અગ્રવાલ ફક્ત 1 રન બનાવીને જેમિસનના બૉલ પર બૉલ્ડ થયો છે.
કેપ્ટન કોહલી 9 રન બનાવીને બેન્નેટેની બૉલિંગમાં જેમિસનના હાથમાં કેચ આપી બેઠો, ભારતને બીજો મોટો ઝટકો લાગ્યો છે.
ભારતીય ટીમને મોટો ઝટકો, પૃથ્વી શૉ 40 રન બનાવીને રનઆઉટ થયો, પૃથ્વીએ તાબડતોડ બેટિંગ કરતાં 3 ચોગ્ગા અને બે છગ્ગા ફટકાર્યા હતા.
જેમ્સ નીશામે શ્રેયસ અય્યરને 62 રનના અંગત સ્કૉરે ડી ગ્રાન્ડહૉમના હાથમાં ઝીલાવી દીધો હતો.
હેમિશ બેનેટે કિવી ટીમને સળંગ બે વિકેટ અપાવી હતી, 47મી ઓવરમાં ચોથા બૉલ પર લોકેશ રાહુલ (112 રન) અને મનિષ પાંડે (42)ને આઉટ કર્યા હતા.
બન્ને દેશોની વનડે ટીમો
ભારતીય ટીમઃ પૃથ્વી શૉ, મયંક અગ્રવાલ, વિરાટ કોહલી (કેપ્ટન), શ્રેયસ અય્યર, મનિષ પાંડે, લોકેશ રાહુલ (વિકેટકીપર), રવિન્દ્ર જાડેજા, શાર્દૂલ ઠાકુર, નવદીપ સૈની, યુજવેન્દ્ર ચહલ, જસપ્રીત બુમરાહ.
ન્યૂઝીલેન્ડની ટીમઃ માર્ટિન ગપ્ટિલ, હેનરી નિકોલસ, કેન વિલિયમસ (કેપ્ટન), રૉસ ટેલર, ટૉમ લાથમ (વિકેટકીપર), જેમ્સ નીશામ, કૉલિન ડી ગ્રાન્ડહૉમ, મિશેલ સેન્ટનર, ટિમ સાઉથી. કાયલે જેમીસન, હેમિસ બેન્નેટ.