Asia Cup 2022, IND vs PAK Super 4: એશિયા કપ 2022માં સુપર-4 તબક્કાની મેચો શરૂ થઈ ગઈ છે. આજે (4 સપ્ટેમ્બર) ભારતીય ટીમનો મુકાબલો પાકિસ્તાન સામે થવાનો છે. દુબઈ ઈન્ટરનેશનલ ક્રિકેટ સ્ટેડિયમમાં યોજાનારી આ મેચ પર કરોડો ક્રિકેટ ચાહકોની નજર હશે.
રાજકોટમાં ભારતની જીત માટે ગણપતિ સ્થાપનામાં બેટ બોલને સ્ટમ્પ જોવા મળ્યા તથા જીત માટે હવન કરવામાં આવ્યો. આજે મેચને લઈ ગણપતિને પ્રાર્થના કરવામાં આવી. રાજકોટના ક્રિકેટ પ્રેમીઓ મહામુકાબલો જોવા આતુર છે. હોટેલ અને ફાર્મ હાઉસમાં બિગ સ્કિનમાં મેચ જોવાની ગોઠવણ કરાઈ છે. ભારતની જીત માટે નાના થી મોટા લોકો પ્રાર્થના અને પૂજા પાઠ કરશે તેવું આયોજન છે. સતત બીજા રવિવારે રાજકોટમાં ક્રિકેટ ફીવર છવાયો છે. ગણપતિ પંડાલમાં વી વિન ઇન્ડિયાના નારા લાગ્યા છે.
ક્યાં રમાશે મેચ
આ મેચ 4 સપ્ટેમ્બરે એટલે કે રવિવારે સાંજે 7.30 કલાકે દુબઈ ઈન્ટરનેશનલ ક્રિકેટ સ્ટેડિયમમાં રમાશે. આ મેદાન પર ભારત અને પાકિસ્તાન વચ્ચે છેલ્લી મેચ પણ રમાઈ હતી જેમાં ભારતે પાકિસ્તાનની ટીમ પર 5 વિકેટે જીત મેળવી હતી.
લાઈવ મેચો ક્યાં જોઈ શકો છો?
આ શાનદાર મેચનું સ્ટાર સ્પોર્ટ્સ નેટવર્કની વિવિધ ચેનલો પર જીવંત પ્રસારણ કરવામાં આવશે. આ સાથે, જ્યાં ડીડી ફ્રી ડીશ કનેક્શન છે, ત્યાં આ મેચ ડીડી સ્પોર્ટ્સ પર લાઈવ જોઈ શકાશે. આ મેચનું લાઈવ સ્ટ્રીમિંગ પણ ઉપલબ્ધ રહેશે. આ મેચનું લાઈવ સ્ટ્રીમિંગ Disney + Hotstar એપ પર જોઈ શકાશે.
ભારતનો પક્ષ મજબૂત
આ શાનદાર મેચમાં ભારતનો પક્ષ થોડો મજબૂત દેખાઈ રહ્યો છે. આના ઘણા કારણો છે. પહેલી વાત એ છે કે ભારતે અહીં છેલ્લી મેચ જીતી છે. પછી બીજું, ભારત હેડ ટુ હેડ રેકોર્ડમાં પણ આગળ છે. ભારત અને પાકિસ્તાન વચ્ચે 10 T20 મેચ રમાઈ છે, જેમાં ભારતે 8 વખત જીત મેળવી છે, જ્યારે પાકિસ્તાને બે મેચ જીતી છે.
ભારતની સંભવિત પ્લેઈંગ ઈલેવન
રોહિત શર્મા, કેએલ રાહુલ, વિરાટ કોહલી, સૂર્યકુમાર યાદવ, હાર્દિક પંડ્યા, દિનેશ કાર્તિક, અક્ષર પટેલ, દીપક હુડા, ભુવનેશ્વર કુમાર, અર્શદીપ સિંહ અને યુઝવેન્દ્ર ચહલ.