અબ્બાસે કહ્યું, જુઓ ભારતીય ટીમ ક્યાં સુધી આવી ગઈ. તેમણે ઓસ્ટ્રેલિયામાં ત્રણ વર્ષમાં બીજી વખત સીરીઝ જીતી. આ પ્રકારનું એટલે થયું કારણ કે ભારતે પોતાના ક્રિકેટના સ્ટ્રક્ચરમાં છેલ્લા એક દશકમાં ઘણુ રોકાણ કર્યું છે. આ એ મહેનતનું ફળ હવે મળી રહ્યું છે.
અબ્બાસે પાકિસ્તાન ક્રિકેટના પતનની આલોચના કરતા કહ્યું કે સફળતાની ચાવી માત્ર મહેનત છે. તેમણે કહ્યું, ક્રિકેટમાં મારુ હંમેશા માનવું છે કે સૌથી મહત્વની વાત એ છે કે કોઈ ખેલાડી કેટલી મહેનત કરી રહ્યો છે અને કેટલો સમય રમતને આપી રહ્યો છે. કોઈપણ કોચિંગ અથવા સલાહથી તમે સારા દરજ્જાના ખેલાડી ન બની શકો જ્યાં સુધી પોતે મહેનત ન કરો.
એશિયાના બ્રેડમેન કહેવાતા અબ્બાસે કહ્યું ભારતની ઓસ્ટ્રેલિયામાં જીત એટલે પણ મહત્વની છે કે આ જીત વિરાટ કોહલી અને અન્ય સીનિયર ખેલાડીઓ વગર મળી છે. તેમણે પાકિસ્તાનના ખેલાડીઓને પણ રમત પર વધારે મહેનત કરવાનું કહ્યું.