એ વાતની પણ સંભાવના છે કે ડ્રીમ 11 વર્ષ 2022 સુધી આઇપીએલની સ્પૉન્સરશીપ ચાલુ રાખે. આ માટે તેને 2021 માટે પ્રત્યેક માટે 240 કરોડ રૂપિયાનુ ચૂકવણુ કરવુ પડશે. આ ત્રણ વર્ષ માટે પ્રતિ વર્ષ એવરેજ 234 કરોડ રૂપિયા આવશે. હવે ડ્રીમ 11માં ચીની કંપની ટેનસેન્ટના રોકાણને લઇને સવાલો ઉઠવા લાગ્યા છે.પરંતુ બીસીસીઆઇના અંદરના સુત્રોએ કહ્યું કે, આ 10 ટકાથી પણ ઓછુ છે. ડ્રીમ 11 એક ભારતીય કંપની છે જેની સ્થાપના હર્ષ જૈન અને ભાવિત શેઠે કરી છે.
બીસીસીઆઇના એક સુત્રએ જણાવ્યુ કે, ડ્રીમ 11ના હિતધારકોમાં સામેલ આ સંસ્થાપક અને 400થી વધુ કર્મચારી ભારતીય છે. અધિકારીએ જણાવ્યુ કે, કલારી કેપિટલ અને મલ્ટીપલ્સ ઇક્વિટી તેના ભારતીય રોકાણકારો છે. એટલુ જ નહીં ડ્રીમ 11નુ ઉત્પાદના ઉપયોગ ભારતીય દ્વારા કરવામાં આવે છે. ટેનસેન્ટનો હિસ્સો માત્ર એક અંકમાં જ છે. ડ્રીમ11 આ વર્ષે આઈપીએલ ડટાઈટલ સ્પોન્સર રહેશે. આ માટે ડ્રીમ11 250 કરોડ રૂપિયા ચૂકવશે. આઈપીએલ ટાઈટલ સ્પોન્સની રેસમાં એનએકેડમી ટાટા અને બાયજૂ પણ હતા. એનએકેડમીની બોલી 210 કરોડ, ટાટાની 180 કરોડ અને બાયજૂની 125 કરોડ રૂપિયા હતા.
નોંધનીય છે કે, આ પહેલા VIVO આઈપીએલ ટાઈટલ સ્પોન્સર હતી, પંરતુ ભારત અને ચીનની વચ્ચે વધતા વિવાદને કારણે બીસીસીઆઈએ આ સીઝન માટે વીવીને બહાર કરી દીધી હતી. વીવોએ વર્ષ 2018માં 2022 સુધી પાંચ વર્ષ માટે 2190 કરોડ રૂપિયા (દરેક વર્ષે 440 કરોડ રૂપિયા) આઈપીએલ ટાઈટલ સ્પોન્સરના અધિકાર મેળવ્યા હતા.