IPL 2020 KKR v RCB: ઈન્ડિયન પ્રીમિયર લીગમાં આજે 39મો મુકાબલો કોલકાતા નાઇટ રાઇડર્સ અને રોયલ ચેલેંજર્સ બેંગ્લોર વચ્ચે રમાઈ રહ્યો છે. મેચમાં કોલકાતાએ ટોસ જીતીને પ્રથમ બેટિંગ કરવાનો ફેંસલો લીધો હતો. જોકે કોલકાતાના કેપ્ટન મોર્ગનનો ફેંસલો ઉંધો પડ્યો હતો અને 3 રનના સ્કોર પર 3 વિકેટ ગુમાવી દીધી હતી. આ સાથે જ કોલકાતાના નામે આઈપીએલમાં સૌથી ઓછા રનમાં 3 વિકેટ ગુમાવવાનો રેકોર્ડ નોંધાયો હતો. આઈપીએલમાં સૌથી ઓછા રનમાં 3 વિકેટ ગુમાવવાનો રેકોર્ડ ડેક્કન ચાર્જર્સના નામે છે. તેણે 2009માં ચેન્નઈ સુપકિંગ્સ સામે ઈસ્ટ લંડનમાં 1 રનમાં 3 વિકેટ ગુમાવી હતી.  2009માં રાજસ્થાન રોયલ્સે પોર્ટ એલિઝાબેથમાં ડેક્કન સામે 3 રનમાં 3 અને 2013માં ચેન્નઈ સુપર કિંગ્સે કોલકાતામાં મુંબઈ ઈન્ડિયન્સ સામે 3 રનમાં 3 વિકેટ ગુમાવી હતી. 7 વર્ષના ગાળા બાદ આજે કોલકાતાએ આરસીબી સામે 3 રનમાં 3 વિકેટ ગુમાવવાનો શરમજનક રેકોર્ડ બનાવ્યો હતો. આ ઉપરાંત કોલકાતાએ આઈપીએલ 2020માં પાવર પ્લેમાં સૌથી ઓછો સ્કોર બનાવ્યો હતો. પાવરપ્લેના અંતે કોલકાતાનો સ્કોર 17 રનમાં 4 વિકેટ હતો. જે ચાલુ સીઝનમાં રમયેલી મેચોમાં પાવરપ્લેમાં સૌથી ઓછો સ્કોર છે.