KKR vs MI: આઈપીએલ 2020ની પાંચમી મેચમાં કોલકાતા નાઈટ રાઈડર્સ સામે રોહિત શર્માએ તોફાની બેટિંગ કરતા 6 સિક્સ ફટકારતાની સાથેજ
આઈપીએલમાં 200 સિક્સ નોંધાવનાર બેટ્સમેનોની યાદીમાં સામેલ થઈ ગયો છે. રોહિતે આ મેચમાં 39 બોલમાં 4 સિક્સની મદદથી આઈપીએલ 2020માં પોતાની પ્રથમ ફિફ્ટી નોંધાવી દીધી છે.
આ મેચ શરૂ થતા પહેલા રોહિત શર્માના નામે 294 સિક્સ હતા. એવામાં રોહિતે 6 સિક્સ ફટકારતા જ આઈપીએલમાં 200 સિક્સ નોંધાવનાર ચોથો બેટ્સમેન બની ગયો છે. રોહિત પહેલા ક્રિસ, ગેલ, એબી ડિવિલિયર્સ અને એમએસ ધોની આ કારનામું કરી ચૂક્યા છે.

ગેલના નામે આઈપીએલમાં 326 સિક્સ છે. જ્યારે ધોનીના નામે 212 અને એબી ડેવિલિયર્સ નામે 214 સિક્સ છે. આ રીતે રોહિત હવે આઈપીએલમાં 200 સિક્સ નોંધવનાર ચોથો બેટ્સમેન બની ગયો છે.

આ પહેલા રોહિતે પોતાના નામે કર્યો હતો આ રેકોર્ડ

કોલકાતા વિરુદ્ધ આ મેચમાં સાત રન બનાવતાની સાથે જ રોહિતે એક ટીમ વિરુદ્ધ આઈપીએલમાં સૌથી વધુ રન બનાવનાર બેટ્સમેન પણ બની ગયો છે.
રોહિત પહેલા સનરાઈઝર્સ હૈદરાબાદના ડેવિડ વૉર્નર આઈપીએલમાં કોઈ એક ટીમ વિરુદ્ધ સૌથી વધુ રન બનાવનાર બેટ્સમેન હતો. વૉર્નરે કોલકાતા નાઈટ રાઈડર્સ સામે 829 રન બનાવ્યા છે. પરંતુ હિટમેને તેને પાછળ છોડી દીધો છે. આઈપીએલમા રોહિત અત્યાર સુધી કોલકાા વિરુદ્ધ એક સદી અને 6 અડધી સદી નોંધાવી ચૂક્યો છે.